މާލެ އަތޮޅު ކައުންސިލާ ވަޒީރު އާދަމް ޝަރީފު ޢުމަރު ބައްދަލުކުރައްވައިފި
މާލެ އަތޮޅު ކައުންސިލާ ވަޒީރު އާދަމް ޝަރީފު ޢުމަރު ބައްދަލުކުރައްވައިފިއެވެ. މި ބައްދަލުވުން އޮތީ މި ވުޒާރާގައި އިއްޔެ އޮތް މާލެ އަތޮޅު ކައުންސިލުގެ މި ހިނގާ އޯގަސްޓް މަހުގެ ސިލްސިލާ ބައްދަލުވުމުގެ ހަވާސާގައެވެ.
މި ބައްދަލުވުމުގައި، ވަޒީރު އާދަމް ޝަރީފު ޢުމަރު އެ ބޭފުޅުންނާ ބައްދަލުކޮށްލެއްވީތީ އުފާކުރައްވާ ކަމުގައި މާލެ އަތޮޅު ކައުންސިލުގެ ރައީސް އަޙްމަދު އަނީސް ވިދާޅުވިއެވެ. މި ބައްދަލުވުމުގައި މާލެ އަތޮޅު ކައުންސިލުގެ ރައީސް ދެއްކެވި ވާހަކަފުޅުގައި މޫސުން ގޯސްވެގެން މި ދިޔަ ދުވަސްތަކުގައި ސިޓީސް މިނިސްޓްރީގެ ފަރާތުން ގުޅުއްވާ ވަރަށް ގާތުން ކަންކަން ބެއްލެވި ކަން ފާހަގަކުރެއްވިއެވެ. އަދި ޖުމްލަ ގޮތެއްގައި ހުރިހައި ކަމެއްގައި ވެސް ސިޓީސް މިނިސްޓްރީގެ ފަރާތުން ވަރަށް އަވަހަށް ކަންކަމަށް ޖަވާބުދާރީވާ ކަން ފާހަގަކުރައްވައި ވަޒީރު އާދަމް ޝަރީފު ޢުމަރަށް ޝުކުރުދެންނެވިއެވެ.
މި ބައްދަލުވުވުމުގައި މާލެ އަތޮޅު ރަށްރަށުގައި ހުރި ކަންބޮޑުވުންތައް އެ ކައުންސިލުން ހިއްސާކުރެއްވިއެވެ. އެ ގޮތުނު ކައުންސިލުތަކަށް ދައުލަތުން ދެއްވާ ބްލޮކް ގްރާންޓްގެ ޢަދަދު ކުޑަ ކަމާއި، ކުނި މެނޭޖްކުރުމުގައި ދިމާވާ ދަތިތަކާއި، މަގުތައް ރަނގަޅު ފެންވަރުގައި ނުހެދި އޮތުމުގެ ކަންބޮޑުވުން ފަދަ ކަންކަން ހިއްސާކުރެއްވިއެވެ.
ލާމަރުކަޒީ ނިޒާމު އިތުރަށް ހަރުދަނާކުރުމަށް ޓަކައި، ޤާނޫނަށް ގެންނަން ޖެހޭ ބަދަލުތައް ދެނެގަތުމަށް އެމްއެންޔޫއިން ކުރަމުންދާ ދިރާސާގެ މަސައްކަތް ނިމެން ކައިރިވެފައިވާ އިރު، ކައުންސިލުތަކާއި، ރައްޔިތުންގެ ޚިޔާލު ހޯދުމަށް ވާންޖެހޭ ތައްޔާރީތައް މި މިނިސްޓްރީގެ ފަރާތުން މިހާރު އަންނަނީ ވަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
