ސައުދީގެ ސެންޓްރަލް ބޭންކްގެ ގަވަރުނަރާ ޚާރިޖީ ވަޒީރު ބައްދަލުކުރައްވައިފި

ޚާރިޖީ ވަޒީރު މޫސާ ޒަމީރު ސައޫދީ އަރާބިއްޔާއަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގައި މިއަދު ސައޫދީ އަރަބިއްޔާގެސެންޓްރަލް ބޭންކުގެ ގަވަރުނަރު ހިޒް އެކްސެލެންސީ އައިމެން އަލް ސަޔާރީ އާ ބައްދަލުކުރައްވައިފިއެވެ.

ރިޔާޛުގައި ކުރިއަށް ދިޔަ މި ބައްދަލުކުރެއްވުމުގައި، ރާއްޖޭގެ މިހާރުގެ އިޤްދިސާތީ ހާލަތާ ގުޅޭގޮތުންނާއި، ޓޫރިޒަމްގެ ދާއިރާއިން ކުރިއަރަމުންދާ ގޮތާއި، އަދި ރާއްޖޭގައި ހުރި އިންވެސްޓްމަންޓްގެ ފުރުޞަތުތަކާ ގުޅޭގޮތުން މަޝްވަރާ ކުރެއްވިއެވެ.

މިނިސްޓަރ ޒަމީރު މިހާރު ސައޫދީ އަށް ކުރައްވަމުން ގެންދަވާ ރަސްމީ ދަތުރުފުޅަކީ އެ ޤައުމުގެ ސަރުކާރުގެ ދައުވަތަކަށް ކުރައްވާ ދަތުރުފުޅެކެވެ.