އެއާޕޯޓްގެ ސަލާމަތީ ކަންކަން ވުރުގަދަކުރުމަށް ޗެކްޕޯސްޓެއް ހުޅުވައިފި
ވެލާނާ އިންޓަނޭޝަނަލް އެއާޕޯޓްގެ ސަލާމަތީ ކަންކަން ވަރުގަދަ ކުރުމަށް ޓަކައި އެއާޕޯޓްގެ އިރުމަތީ ފަރާތުގައި ސެކިއުރިޓީ ޗެކް ޕޯސްޓެއް ހުޅުވައިފިއެވެ.
އެއާޕޯޓްގެ ސަލާމަތީ ކަންކަން ވުރުގަދަކުރުމަށް ޗެކްޕޯސްޓެއް އިއްޔެ ހުޅުވައިފިވާއިރު މިޕޯސްޓް ހުޅުވާފައިވަނީ ވެލާނަ އިންޓާނޭޝަނަލް އެއާޕޯޓުގެ އިރުމަތީ ފަރާތުގައެވެ. މި ޕޯސްޓް ހުޅުވައިދެއްވީ އެމްއޭސީއެލްގެ މެނޭޖިންގ ޑިރެކްޓަރު އަދި ސީއީއޯ އިބުރާހިމް ޝަރީފް މުހައްމަދުއެވެ.
އިއްޔެ މި ޗެކް ޕޯސްޓް ހުޅުވުމުގެ ރަސްމިއްޔާތަށްފަހު ޝަރީފް މީޑިއާ އާއި ބައްދަލު ކުރައްވައި ވާހަކަފުޅު ދައްކާފައިވެއެވެ، މީޑިއާ އާއި ބައްދަލު ކުރައްވާ ޝަރީފް ވިދާޅުވީ، މި ގާއިމު ކުރެވުނު ޗެކް ޕޯސްޓް ތަކަކީ ވަރަށް ޒަމާނީ ޗެކް ޕޯސްޓް ތަކެއް ކަމަށެވެ. އަދި އެއާޕޯޓްގެ ސަލާމަތާއި ކައްކާތެރިކަމަށް އެޅުނު ވަރަށް ބޮޑު ފިޔަވަޅެއް ކަމަށް ޝަރީފް ވަނީ ވިދާޅުވެފައެވެ.
ޝަރީފް ވިދާޅުވީ ހުޅުވުނު ޗެކްޕޯސްޓުގެ ސަބަބުން ކަސްޓަމްސް އަށް ވަރަށޤ ބޮޑު ލުޔެއް ލިބިގެން ދާނެކަމަށެވެ. ކަސްޓަމްސްގެ އެއް މަސައްކަތަކީ ރާއްޖެއަށް އެތެރެވާ މަސްތުވާތަކެތި ހުއްޓުވުން ކަމަށްވީއުރު އެކަމަށް ބޮޑު ލުޔުއް ލިބޭނެކަން ފާހަގަ ކުރައްވާ އޭނަ ވިދާޅުވީ މީގެ ފަހުން އެއާ ސައިޑުން ނުކުންނަ އަދި ވަންނަ ފަރާތްތަށް ކަސްޓަމްސްއިން ވަރަށް ރަނގަޅަށް ބަލާ ފާސް ކުރެވޭނެ ކަމަށެވެ.
އިތުރަށް އެމްޑީ ވިދާޅުވީ، އެ ޗެކް ޕޯސްޓަކީ އެއާޕޯޓްގެ ސަލާމަތާއި ރައްކާތެރިކަމަށާއި، ސުމަގްލިންގ އަދި ޓުރެފިކް ކުރުން ހުއްޓުވުމަށް އެޅުނު ވަރަށް ބޮޑު ފިޔަވަޅަކަށް ވާނެ ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
