ބޯކޮށް ވާރޭވެހޭނެ ކަމަށް ލަފާކޮށް ހުދު ސަމާލު ނެރެފި

ރާއްޖޭގެ އުތުރުގެ ބައެއް ހިސާބުތަކަށް ބޯކޮށް ވާރޭވެހޭނެ ކަމަށް ލަފާކޮށް މޫސުމާއިބެހޭ ގައުމީ އިދާރާއިން ހުދު ހަމާލު ނެރެފިއެވެ. 

މޫސުމާއި ބެހޭ ގައުމީ އިދާރާ [މެޓް] އޮފިހުން ބުނީ ހއ އިން ފެށިގެން ބ އަތޮޅަށް ބޯކޮށް ވާރޭވެހުމާއި އެކު ގުގުރާނެ ކަމަށް ލަފާ ކުރެވޭކަމަށެވެ. ހުދު ސަމާލު ނެރެފައިވާ އަތޮޅު ތަކުގެ ތެރޭގައި ހއ. އަތޮޅާއި ހދ. އަތޮޅާއި ށ. އަތޮޅާއި ނ. އަތޮޅާއި ރ. އަތޮޅާއި ބ. އަތޮޅާއި ޅ. އަތޮޅު ހިމެނެއެވެ. 

މޫސުމާއި ބެހޭ ގައުމީ އިދާރާއއިން ހާމަކުރިގޮތުގައި ބޯކޮށް ވާރޭ ވެހުމާއެކު ގުގުރާނެ ކަމަށް ލަފާކޮށް ހުދު ސަމާލު ނެރެފައިވަނީ ރޭ ފަތިހު 03:15 އިން ހެނދުނު 08:15 އާއި ހަމައަށެވެ. 

އެއިދާރާއިން ނެރެފައިވާ ހުދު ސަމާލު އެކްސްޓެންޑް ކުރިކަމަކަށް އަދި ހާމަ ކޮށްފައެއްނުވެއެވެ.