ޔޫ.އެސް.އޭ.އައި.ޑީގެ މިޝަން ޑިރެކްޓަރ، މިނިސްޓަރ ތާރިޤް އިބްރާހީމްއާ ބައްދަލުކުރައްވައިފި
ޔޫ.އެސް.އޭ.އައި.ޑީގެ މިޝަން ޑިރެކްޓަރ ގެބްރިއެލް ގްރައު، މިނިސްޓަރ އޮފް އެންވަޔަރަންމަންޓް ކްލައިމެޓް ޗޭންޖް އެންޑް ޓެކްނޮލޮޖީ މިނިސްޓަރ ތާރިޤް އިބްރާހީމްއާ ބައްދަލުކުރައްވައިފިއެވެ.
މިނިސްޓަރ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޮލޮޖީ، ތާރިޤް އިބްރާހީމްއާ ޔުނައިޓެޑް ސްޓޭޓްސް އެޖެންސީ ފޮރ އިންޓަރނޭޝަނަލް ޑިވެލޮޕްމަންޓް (ޔޫ.އެސް.އޭ.އައި.ޑީ) ގެ މިޝަން ޑިރެކްޓަރ ގެބްރިއެލް ގްރައު އާއި ބައްދަލު ކުރަށްވާފައިވަނީ މިއަދުއެވެ.
މިއަދު މިނިސްޓްރީ އޮފް އެންވަޔަރަންމަންޓްގައި ބޭއްވުނު މި ބައްދަލުވުމުގައި، ދެ ފަރާތުން ގުޅިގެން މަސައްކަތް ކުރެވިދާނެ ދާއިރާތަކާއި، އެމެރިކާއިން ރާއްޖެއަށް ދެވިދާނެ އެހީތެރިކަމާ ބެހޭގޮތުން މަޝްވަރާކުރެއްވާފައިވެއެވެ. އަދި ދިވެހިރާއްޖެއާއި އެމެރިކާއާ ދެމެދު އޮތް އެކުވެރިކަން އިތުރަށް ބަދަހިކުރުމަށް މަސައްކަތްކުރުމުގެ މުހިންމުކަމާ މެދުވެސް މަޝްވަރާކޮށް ވާހަކަދައްކާފައިވެއެވެ.
ޔޫ.އެސް.އޭ.އައި.ޑީގެ މިޝަން ޑިރެކްޓަރ ގެބްރިއެލް ގްރައުއާއި މިނިސްޓަރ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޮލޮޖީ، ތާރިޤް އިބްރާހީމްއާ ބޭއްވުނު މި ބައްދަލުވުމަކީ ދެ ޤައުމުގެ ދެމެދުގައި އޮތް އެކުވެރިކަން އިތުރަށް ވަރުގަދަކޮށް، ކުރިއަށް އޮތް ތަނުގައި ގުޅިގެން މަސައްކަތްކުރުމަށް މަގުފަހިކޮށްދޭނެ ބައްދަލުވުމެއްކަން ފާހަގަކޮށްލެވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
