އަޔަރލޭންޑު ސަފީރު، މިނިސްޓްރީ އޮފް ހަޔަރ އެޑިއުކޭޝަނަށް ޒިޔާރަތް ކުރައްވައިފި

ދިވެހިރާއްޖޭގައި ހުންނަ އަޔަރލޭންޑް އެންބަސީ އިން މިނިސްޓްރީ އޮފް ހަޔަރ އެޑީއުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްގެ ބޭފުޅުންނާއި ބައްދަލުކުރައްވައި މަޝްވާރާކުރައްވައިފިއެވެ.

މި ބައްދަލުވުމުގައި، މިނިސްޓްރީ އޮފް ހަޔަރ އެޑިއުކޭޝަން، ލޭބަރ އެންޑް ސްކިލސް ޑިވެލޮޕްމަންޓްގެ ސްޓޭޓް މިނިސްޓަރ، ޑރ. އަބްދުﷲ ނަޒީރު އަދި ޑެޕިއުޓީ މިނިސްޓަރ، އައިމިނަތު ޝަޝީ ބައިވެރިވަޑައިގެންނެވިއެވެ. އަދި އަޔަލޭންޑް އެންބަސީގެ ފަރާތުން ބައިވެރިވެވަޑައިގެންނެވީ، އެ އެންބަސީގެ ސަފީރު، ހިޒް އެކްސެލެންސީ، ކެވިން ކެލީއެވެ.

މިނިސްޓްރީ އޮފް ހަޔަރ އެޑިއުކޭޝަން، ލޭބަރ އެންޑް ސިކްލް ޑިވެލޮޕްމަންޓްގައި ބޭއްވުނު މި ބައްދަލުވުމުގެ މައިގަނޑު މަޤްސަދަކީ ދެ ޤައުމުގެ ދެމެދުގައި ގުޅުން ބަދަހިކުރުމާއި ގުޅިގެން ކުރިވިދާނެ ކަންތައްތައް މަޝްވަރާކުރުމެވެ. އަދި ދިވެހި ރާއްޖޭގެ އުމްރާނީ، އިޤްތިސާދީ އަދި އެހެނިހެން ދާއިރާތަކުގެ ތަރައްޤީއާއި ގުޅިގެން އަޔަލޭންޑްގެ ސަރުކާރުން ދިވެހި ދަޢުލަތަށް ދެވެންހުރި އެހީ އާއި ޙިދުމަތްތަކާއި ގުޅޭގޮތުން ވާހަކަދެކެވުނެވެ.

މީގެ އިތުރުން، ދެ ދަޢުލަތުގެ ކުރިއެރުމާއި ތަރައްޤީއަށްޓަކައި އެއްޤައުމު އަނެއް ޤައުމަށް އެހީތެރިކަން ފޯރުކޮއްދިނުމުގެ މުޙިއްމުކަމަށްވެސް ވަނީ މި ބައްދަލުވުމުގައި އަލިއަޅުވައިލާފައެވެ. އެގޮތުން، ދެ ދަޢުލަތް ގުޅިގެން، ދެ ފަރާތުގެ މަސްލަހަތު އޮންނަ ދާއިރާތަކުގެ ތަރައްޤީއަށް މަސައްކަތްކުރުމައްޓަކައި އެއްޤައުމު އަނެއްޤައުމުގެ މަޝްރުޢޫތަކުގައި އެހީތެރިކަންފޯރުކޮއްދެއްވުމުގެ އިތުރުން ލަފަޔާއި އިރުޝާދުދެއްވައި މަސައްކަތްކުރެއްވުމާއި ގުޅޭގޮތުން ވެސް ވަނީ މަޝްވަރާކުރައްވާފައެވެ.