އެމްއެމްޕީއާރުސީގެ ޚިޔާނާތުގެ އެއްވެސް ލިސްޓެއްގައި ރައީސްގެ ނަން ނޯންނާނެކަމުގެ ޔަގީންކަން ދެއްވައިފި
އެމްއެމްޕީއާރުސީގެ ޚިޔާނާތުގެ އެއްވެސް ލިސްޓެއްގައި ރައީސްގެ ނަން ނޯންނާނެކަމުގެ ޔަގީންކަން ދެއްވައިފިއެވެ.
އެމްއެމްޕީއާރުސީގެ ޚިޔާނާތާއި ގުޅިގެން އެމްޑީޕީ ސަރުކާރުން އެކި ފަހަރުމަތިން ނެރުނު އެއްވެސް ލިސްޓެއްގައި އެމަނިކުފާނުގެ ނަންފުޅު ނޯންނާނެ ކަމުގެ ޔަޤީންކަން ރައީސުލްޖުމްހޫރިއްޔާ ޑރ.މުހައްމަދު މުއިއްޒު ދެއްވައިފިއެވެ.
ރައިސް ޑރ. މުއިއްޒަށް އެމްއެމްޕީއާރްސީގެ ފައިސާ ލިބުނު ކަމަށް ދައްކަމުންދާ ވާހަކަތަކަށް އެމަނިކުފާނު ރޭ ވަނީ ރައްދު ދެއްވާފައެވެ. ޕީއެންސީ ހަރުގޭގައި ބޭއްވި ޖަލްސާގައި ރައީސް ވިދާޅުވީ އިދިކޮޅު ފަރާތްތަކުން އެމަނިކުފާނުގެ އިސްތަށިފުޅުގައި ދޮގު ތުހުމަތުތަކެއް އަޅުއްވަމުންދާ ކަމަށާއި އެމްއެމްޕީއާރުސީގެ ޚިޔާނާތާއި ގުޅޭ އެއްވެސް ލިސްޓެއްގައި އެމަނިކުފާނުގެ ނަންފުޅު ނޯންނާނެ ކަމަށެވެ.
އެ ލިސްޓުގައި ތިބި މީހުންނަކީ ޑޮލަރު މާރުކުރުމާއި އެކި ގޮތްގޮތުން އެ ޚިޔާނާތުގައި ހިމެނޭ މީހުން ކަމަށް ރައީސް ވަނީ ވިދާޅުވެފައެވެ. ނަމަވެސް އެއިން އެއްވެސް ލިސްޓެއްގައި އެމަނިކުފާނުގެ ނަން އެއްވެސް އިރެއްގައި ހިމެނިފައި ނެތްކަން އެމަނިކުފާނު ވަނީ ޔަޤީންކަމާއެކީ ވިދާޅުވެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
