ތޮއްޑޫގެ މާރުކޭޓުން ކުއްޔަށް ދޫކުރާ ކިއޮސްކްތަކަށް ކުރިމަތިލުމުގެ ފުރުސަތު ހުޅުވާލައިފި

ބިޒްނަސް ސެންޓަރ ކޯޕަރޭޝަނު(ބީސީސީ)ން އިސްނަގައިގެން އއ ތޮއްޑޫ ޤާއިމު ކުރަމުންދާ ދަނޑުވެރިންގެ މާރުކޭޓުން ކުއްޔަށް ދޫކުރުމަށް ހަމަޖެހިފައިވާ ކިއޮސްކުތައް ކުއްޔަށް ހިފުމަށް ޝައުޤުވެރިވެވާ ފަރާތްތަކަށް އެފުރުސަތު ހުޅުވާލައިފިއެވެ. 

އެކަމާއި ގުޅިގެން ބީސީސީން ކުރި އިއުލާނެއްގައި ބުނެފައިވަނީ މި ކިއޮސްކުތައް ކުއްޔަށް ހިފުމަށް ޝައުގުވެރިވާ ފަރާތްތަކުން  އިއުލާނާއެކު ހިމަނާފައިވާ އޮންލައިން ފޯމް ފުރިހަމަ ކުރުމަށް އެދޭކަމަށެވެ. 

ފޯމު ހުށަހެޅުމުގެ ސުންގަޑިއަކީ 18 އޮގަސްޓް 2024 ވާ އާދީއްތަ ދުވަހުގެ ހަވީރު 16:00 އާ ހަމައަށެވެ.

ފޯމު ހުށަހެޅުމުގެ ސުންގަޑިއަކީ 22 އޮގަސްޓް ވާ ބުރާސްފަތި ދުވަހުގެ ހަވީރު 16:00 އާ ހަމައަށެވެ.

ބީސީސީން ބުނީ ކިއޮސްތައް ދޫކުރާނީ 2 އަހަރު މުއްދަތަށެވެ. ކިއޮސްގެ އަގަކީ 3500 ރުފިޔާއެވެ. އަގުގެ އިތުރުން ޔޫޓިލިޓީ ފީގެ ގޮތުގައި މަހަކު 300 ރުފިޔާ ނަގާނެއެވެ. 

ކިއޮސް ދޫކުރަނީ އުމުރުން 18 އަހަރުވެފައިވާ ތޮއްޑޫގެ ރައްޔިތުންނަށެވެ. އަދި ކުދި އަދި މެދުފަންތީގެ ވިޔަފާރީގެ ގާނޫނުގައި ބަޔާންކޮށްފައިވާ ވިޔަފާރިތަކުގެ ގިންތިކުރާ މިންގަނޑުގެތެރެއިން އެންމެ ކުދި ވިޔަފާރިއަކަށްވުން ނުވަތަ އެވިޔަފާރިއަކީ 100 އިންސައްތަ ދިވެހި ރައްޔިތުން ހިއްސާވާ ވިޔަފާރިއަކަށްވާންޖެހޭނެއެވެ. 

ބީސީސީން ބުނީ މިފަދަ މާރުކޭޓެއް ޤާއިމުކުރުމުގެ މައިގަނޑު މަގުސަދަކީ ދަނޑުވެރިކަމުގެ ދާއިރާއިން ވިޔަފާރި ކުރައްވާ ފަރާތްތަކަށް ބާޒާރު ހޯދައިދިނުމާއި، މި ވިޔަފާރިތައް އިތުރު ހަރުފަތްތަކަށް ގެންދިއުމަށް އެހީތެރިވެދިނުންކަމަށެވެ.