ބޭންކުތަކަށް ޑޮލަރު މާރުކުރަންޖެހޭ މިންވަރު 40 އިންސައްތައަށް ބޮޑުކުރަން ހުށަހަޅަނީ

ބޭރު ފައިސާއިން އާމްދަނީ ހޯދާ ވިޔަފާރިތަކުން ބޭންކިން ނިޒާމަށް މާރުކުރުން ލާޒިމުވާ މިންވަރު 20 އިންސައްތައިން 40 އިންސައްތައަށް މަތިކުރުމަށްޓަކައި ބޭރު ފައިސާގެ ގާނޫނަށް އިސްލާހު ގެނައުމަށް ރައްޔިތުންގެ މަޖިލީހަށް ހުށަހެޅުމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ނިންމައިފިއެވެ.

ރައީސުލްޖުމްހޫރިއްޔާގެ އޮފީހުގައި ސަރުކާރުގެ ވަޒީރުންނާއެކު ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން އެމްއެމްއޭގެ ގަވަރުނަރު އަޙްމަދު މުނައްވަރު ވިދާޅުވީ، ރާއްޖެއަށް ބޭނުންވާ މުދާ އެތެރެކުރުމުގައި ވިޔަފާރިވެރިންނަށް ކުރިމަތިވާ ޑޮލަރުގެ ދަތިކަމަށް ދާއިމީ ހައްލެއް ހޯދުމަށް ގާނޫނީ ގޮތުން ބޮޑެތި ބަދަލުތަކެއް ގެންނަންޖެހޭ ކަމަށެވެ. އަދި ރާއްޖޭގައި ކުރެވޭ މުއާމަލާތްތައް ދިވެހި ރުފިޔާއިން ހިންގުމަކީ މަރުކަޒީ ބޭންކުގެ ކުރީގެ ގަވަރުނަރުން ކަމަށްވާ ޑރ. ފަޒީލު ނަޖީބާއި، އަޒީމާ އަދި އަލީ ހާޝިމްގެ ދައުރުގައިވެސް ގެންގުޅުއްވި ތަސައްވުރެއްކަން އޭނާ ފާހަގަކުރެއްވިއެވެ.

މުނައްވަރު ހާމަކުރެއްވި ގޮތުގައި، ވޭތުވެދިޔަ އެމްޑީޕީ ސަރުކާރުގައި ބޭރު ފައިސާގެ އާމްދަނީގެ 60 އިންސައްތަ މާރުކުރަން ލާޒިމުކުރުމަށް އެމްއެމްއޭއިން ހުރިހާ ތައްޔާރީތަކެއް ވީނަމަވެސް އެކަން އޭރު ތަންފީޒުވެފައެއް ނުވެއެވެ. ނަމަވެސް މިހާރުގެ އަމާޒަކީ އިމްޕޯޓް ޓީޓީތަކަށް ދޫކުރާ ޑޮލަރު އިތުރުކުރުމަށްޓަކައި އެ މިންވަރު 40 އިންސައްތައަށް ބަދަލުކުރުން ކަމަށް ވިދާޅުވިއެވެ. މީގެއިތުރުން، ފައިސާ މާރުކުރުމަށް މިހާރު ދީފައިވާ ތިން މަހުގެ މުއްދަތު ކޮންމެ މަހަކު މާރުކުރަންޖެހޭ ގޮތަށް ބަދަލުކުރުމަށާއި، ގާނޫނުގެ ދަށުން ޑޮލަރުން ހަދާ ޕޭމަންޓުތަކުގެ މައުލޫމާތު މަރުކަޒީ ބޭންކާ ހިއްސާކުރުން މަޖުބޫރުވާ އިސްލާހުތައްވެސް ހުށަހެޅުމަށް ވަނީ ހަމަޖެހިފައެވެ.

ގަވަރުނަރު އިތުރަށް ފާހަގަކުރެއްވި ގޮތުގައި، މެދުއިރުމަތީގެ ހަމަނުޖެހުންތަކާ ގުޅިގެން ފައިސާގެ ބާޒާރަށް ލޮޅުންތަކެއް އައި ނަމަވެސް، ޑޮލަރުގެ އަގު މިހާ ބޮޑަށް އުފުލެން ދިމާވި މައިގަނޑު ސަބަބަކީ ބައެއް ފަރާތްތަކުން ގަވާއިދާ ހިލާފަށް ކަޅު ބާޒާރުގައި ޑޮލަރު ދައުރުކުރުމެވެ. މިކަން ހުއްޓުވުމަށް ތަހުގީގީ އިދާރާތަކާއި ސަރުކާރުގެ އެހީތެރިކަމަށް އެދިފައިވާނެ ކަމަށް މުނައްވަރު ވިދާޅުވިއެވެ. ގަވާއިދާ ހިލާފަށް މުއާމަލާތް ހިންގި އެކްސްޕްރެސް މަނީ އެކްސްޗޭންޖުގެ ލައިސަންސް މިހާރު ބާތިލުކޮށްފައިވާއިރު، އެއްވެސް ވަރަކަށް ޑޮލަރު މާރުނުކުރާ ދެ ރިސޯޓަކަށް ފިޔަވަޅު އަޅައި ނަންތައްވެސް ވަނީ އާންމުކޮށްފައެވެ.

އެމްއެމްއޭގެ އެންމެ ފަހުގެ ހިސާބުތައް ދައްކާގޮތުން، ރިސޯޓުތަކުގެ 78 އިންސައްތަ ތަންތަނުން ގަވާއިދާ އެއްގޮތަށް ޑޮލަރު މާރުކުރަމުންދާއިރު، 20 އިންސައްތަ ރިސޯޓުން ވަނީ ލުއިތަކަކަށް އެދިފައެވެ. އަދި ގެސްޓްހައުސްތަކާއި ސަފާރީ ފަދަ ތަންތަނުގެ ތެރެއިން ގަވާއިދަށް ފުރިހަމައަށް އަމަލުކުރަނީ 48 އިންސައްތަ ވިޔަފާރިއެވެ. އަހަރަކު 15 މިލިއަން ޑޮލަރަށްވުރެ ބޮޑު އާމްދަނީ ލިބޭ ބޮޑެތި ކުންފުނިތަކުގެ ތެރެއިން ގަވާއިދުން ފައިސާ މާރުކުރަނީ 38 އިންސައްތަ ތަންތަނުންނެވެ.

މިހާރު އަމަލުކުރަމުންދާ ގަވާއިދުގެ ދަށުން، ފަތުރުވެރިކަމުގެ ދާއިރާއިން ލިބޭ އާމްދަނީ ބޭންކުތަކަށް ޖަމާކުރުމުގެ އިތުރުން، ރިސޯޓުތަކާއި ސަފާރީތަކަށް އަންނަ ކޮންމެ ފަތުރުވެރިއަކަށް 500 ޑޮލަރު އަދި ގެސްޓްހައުސްތަކަށް އަންނަ ކޮންމެ ފަތުރުވެރިއަކަށް 25 ޑޮލަރުގެ ރޭޓުން ބޭންކުތަކަށް މާރުކުރުން ލާޒިމުވެއެވެ.


ކޮމެންޓް ކުރޭ

އީމެއިލް ނުފެންނާނެއެވެ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

އިތުރު ލިއުން
ދިވެހިރާއްޖޭގައި ފަހިވަމުން އަންނަ ވިޔަފާރީގެ ފުރުޞަތުތަކުގެ ބޭނުންހިފައި، ދިގުމުއްދަތުގެ ވިޔަފާރީގެ ގުޅުންތައް ޤާއިމުކުރުމުގެ ދަޢުވަތު، ޕާކިސްތާނުގެ ވިޔަފާރިވެރިންނަށް ރައީސުލްޖުމްހޫރިއްޔާ ދެއްވައިފި
ދިވެހިރާއްޖޭގައި ފަހިވަމުން އަންނަ ވިޔަފާރީގެ ފުރުޞަތުތަކުގެ ބޭނުންހިފައި، ދިގުމުއްދަތުގެ ވިޔަފާރީގެ ގުޅުންތައް ޤާއިމުކުރުމުގެ ދަޢުވަތު، ޕާކިސްތާނުގެ ވިޔަފާރިވެރިންނަށް ރައީސުލްޖުމްހޫރިއްޔާ ދެއްވައިފި
އަޚުވަންތަކަމާއި އިސްލާމީ އެއްބައިވަންތަކަމުގެ މައްޗަށް ބިނާވެފައިވާ 60 އަހަރުގެ ޚާރިޖީ ގުޅުން ފާހަގަކުރައްވަމުން ރައީސުލްޖުމްހޫރިއްޔާ ވިދާޅުވީ، ދެޤައުމުގެ މެދުގައި އޮތް ޚާރިޖީ އިތުބާރާއި ސިޔާސީ ގުޅުން ބަދަހިކަމާއެކު ދެމިއޮތް ނަމަވެސް، އިޤްތިޞާދީ ގުޅުން އެންމެ ފުރިހަމަ ގޮތުގައި އަދިވެސް ބަދަހިވެގެންނުދާ ކަމަށެވެ. އަދި ކުރިއަށް އޮތް ދެ އަހަރުގެ ތެރޭގައި ދެޤައުމުގެ މެދުގައި ކުރެވޭ ވިޔަފާރީގެ މިންވަރު، 200 މިލިއަން އެމެރިކާ ޑޮލަރަށް އިތުރުކުރުމަށް ޕާކިސްތާނުގެ ބޮޑުވަޒީރު ޝަހްބާޒް ޝަރީފް ވަޢުދުވެވަޑައިގެންފައިވާކަން އެމަނިކުފާނު ފާހަގަކުރެއްވިއެވެ.
ޚަބަރު 23 Oct 2026
ރައީސުލްޖުމްހޫރިއްޔާގެ ދެކަނބަލުން ޕާކިސްތާނަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު މާލެ ވަޑައިގެންފި
ރައީސުލްޖުމްހޫރިއްޔާގެ ދެކަނބަލުން ޕާކިސްތާނަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު މާލެ ވަޑައިގެންފި
ރައްޔިތުންގެ މިދަތުރުފުޅު ވެގެންގޮސްފައިވަނީ ދިވެހިރާއްޖެއާއި ޕާކިސްތާނާ ދެމެދު ސިޔާސީ ގުޅުން ޤާއިމުކުރިތާ 60 އަހަރު ފުރުނު ތާރީޚީ މުނާސަބަތާވެސް ގުޅިފައިވާ ދަތުރުފުޅަކަށެވެ. އަދި މި ދަތުރުފުޅުގެ ސަބަބުން ދެ ޤައުމުގެ މެދުގައި އޮތް ޒަމާންވީ ގުޅުން ބަދަހިކޮށް، ދެ ޤައުމަށް ފައިދާހުރި މުހިންމު ދާއިރާތަކުން އިތުރަށް ގުޅުން ހަރުދަނާކުރުމަށް މަގުފަހިވެގެންދިޔައެވެ.
ޚަބަރު 23 Oct 2026
5 މިލިއަން ގަސް އިންދުމުގެ މަޝްރޫޢު: އަމާޒުގެ ގާތްގަނޑަކަށް ދެބައިކުޅައެއްބައި ހާސިލުވެއްޖެ
5 މިލިއަން ގަސް އިންދުމުގެ މަޝްރޫޢު: އަމާޒުގެ ގާތްގަނޑަކަށް ދެބައިކުޅައެއްބައި ހާސިލުވެއްޖެ
މި މަޝްރޫޢާ ގުޅޭގޮތުން އާންމުކޮށްފައިވާ އެންމެ ފަހުގެ ހިސާބުތައް ދައްކާގޮތުން، ރާއްޖޭގެ އެކި ކަންކޮޅުތަކުގައި މިހާތަނަށް ޖުމްލަ 2،463،339 )ދެ މިލިއަން ހަތަރު ލައްކަ ފަސްދޮޅަސް ތިން ހާސް ތިންސަތޭކަ އޮނަތިރީސް( ގަސް ވަނީ އިންދާފައެވެ. މިއީ ސަރުކާރުން އަމާޒު ހިފާފައިވާ 5 މިލިއަން ގަހުގެ ނިސްބަތުން ބަލާއިރު 49.3 އިންސައްތައެވެ.
ޚަބަރު 23 Oct 2026
ޕާކިސްތާނުގެ އިންޓަރނޭޝަނަލް އިސްލާމިކް ޔުނިވަރސިޓީ އިސްލާމްއާބާދުން ރައީސް ޑރ. މުޢިއްޒަށް ޝަރަފުވެރި ޑޮކްޓަރޭޓް އެރުވުން
ޕާކިސްތާނުގެ އިންޓަރނޭޝަނަލް އިސްލާމިކް ޔުނިވަރސިޓީ އިސްލާމްއާބާދުން ރައީސް ޑރ. މުޢިއްޒަށް ޝަރަފުވެރި ޑޮކްޓަރޭޓް އެރުވުން
މި ޝަރަފު ރައީސް ޑރ. މުޢިއްޒަށް އަރުވާފައިވަނީ ރައީސުލްޖުމްހޫރިއްޔާއާއި ޕާކިސްތާނުގެ ބޮޑުވަޒީރު ޝެހްބާޒް ޝަރީފާ ދެމެދު ބޭއްވެވި ރަސްމީ މަޝްވަރާތަކަށްފަހު، ދެ ޤައުމުގެ ވެރިން މީޑިއާއަށް ބަޔާން ދެއްވުމަށް ބޭއްވި ރަސްމިއްޔާތުގައެވެ. މި ޚާއްޞަ ރަސްމިއްޔާތު ޝަރަފުވެރިކޮށްދެއްވީ ބޮޑުވަޒީރު ޝެހްބާޒް ޝަރީފެވެ.
ޚަބަރު 21 Oct 2026