މާލެ ސިޓީ ކައުންސިލަށް އިންތިހާބުވި މެމްބަރުން ހުވާކުރައްވައިފި
މާލެ ސިޓީ ކައުންސިލަށް އަލަށް އިންތިހާބުވި ތިން މެމްބަރުން މިއަދު ހުވާކުރައްވައިފިއެވެ.
އަލަށް އިންތިހާބުވި ތިން ކައުންސިލަރުން ހުވާކުރުމަށްޓަކައި ރަސްމިއްޔާތު ބާއްވާފައިވަނީ މާގިރީގައެވެ. އެގޮތުން މިއަދު މާގިރީގައި ބޭއްވި ރަސްމިއްޔާތުގައި ތިން މެމްބަރުންނަށް ހުވާ ލައްވައިދެއްވާފައިވަނީ ޑްރަގް ކޯޓުގެ ގާޒީ މުހައްމަދު ސަމީރުއެވެ.
މިދިޔަ މަހުގެ 20 ގައި ބޭއްވި ބައި އިލެކްޝަނުގައި މާލެ ސިޓީ ކައުންސިލުގެ ތިން ގޮނޑިވެސް ވެރިކަން ކުރާ ޕީއެންސީން ކާމިޔާބު ކުރިއެވެ، އެގޮތުން ގޮނޑި ކާމިޔާބު ކުރެއްވި މެމްބަރުންނަކީ އަލީ އައިމަން ، ފާތުމަތު ޝައުފާ ސަލީމް އަދި ފާތިމަތު އިޝަން އަލީ އެވެ.
މާގިރީގައި ހުވާކުރުމައްޓާކައި ބޭއްވި މި ރަސްމިއްޔާތުގައި ވާހަކަފުޅު ދައްކަވަމުން މާލެ ސިޓީގެ މޭޔަރު އާދަމް އާޒިމް ވިދާޅުވީ، އޭނާ މޭޔަރު ކަމަށް އިންތިޚާބުވި ދުވަހުން ފެށިގެން މަސައްކަތް ކުރައްވައިފައިވަނީ ވަކި ފިކުރަކަށް ބެލުމެއް ނެތި، މާލޭގެ ރައްޔިތުންގެ ލާބައާއި މަންފާއަށް ޓަކައި ކަމަށާއި، ރައްޔިތުންގެ ވޯޓުން ހޮވޭ މެންބަރުންނަށް އޮތް ހިތްހަމަޖެހުމަކީ، އެ މީހެއްގެ ގާބިލުކަމާއި އިޚުލާސްތެރިކަން ބަލައިގަންނަ ގިނަ ބަޔަކު ތިބިކަން އިހުސާސުވުން ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
