ނޭޕާލްގެ އާ ޚާރިޖީ ވަޒީރަށް ދިވެހިރާއްޖޭގެ ޚާރިޖީ ވަޒީރު ތަހުނިޔާގެ މެސެޖް ފޮނުއްވައިފި

ނޭޕާލްގެ ޚާރިޖީ ވަޒީރުކަމުގެ މަޤާމަށް ޑޮކްޓަރ އާރުޒޫ ރަނާ ޑުއުބާ ޢައްޔަން ކުރެއްވުމާ ގުޅިގެން ދިވެހިރާއްޖޭގެ ޚާރިޖީ ވަޒީރު މޫސާ ޒަމީރު ތަހުނިޔާ ވިދާޅުވެ މެސެޖެއް ފޮނުއްވައިފިއެވެ.

ޚާރިޖީ ވަޒީރުގެ މެސެޖުގައި ނޭޕާލްގެ ޚާރިޖީ ވަޒީރުކަމުގެ މަޤާމަށް ޑޮކްޓަރ އާރުޒޫ ރަނާ ޑުއުބާ ޢައްޔަން ކުރެއްވުމާ ގުޅިގެން ތަހުނިޔާ ދެންނެވުމަކީ ލިބިވަޑައިގަންނަވާ ވަރަށް ބޮޑު އުފަލެއް ކަމުގައި ވިދާޅުވިއެވެ.

ދިވެހިރާއްޖެ އާއި ނޭޕާލް އާ ދެޤައުމުގެ ރައްޔިތުންނަށް ފައިދާވާނެ ގޮތުގައި ދެ ޤައުމުގެ ދެމެދުގައި އޮތް ގާތް ގުޅުން އިތުރަށް ބަދަހިކުރުމަށް ރާއްޖެއިން މަސައްކަތް ކުރާނެ ކަމުގެ ޔަޤީންކަން މި ފުރުޞަތުގައި އަރުވަމެވެ. އަދި ދެ ޤައުމުގެ ރައްޔިތުންގެ ލާބައާއި މަންފާއަށްޓަކައި ކަމަނާ އާއެކު ގާތުން މަސައްކަތްކުރުމަށް އުއްމީދުކުރާ ވާހަކަވެސް ދަންނަވަމެވެ، އެ މެސެޖުގައި މިނިސްޓަރ ޒަމީރު ވިދާޅުވިއެވެ.

‎ކަމަނާއަށް ކާމިޔާބީއާއި ދުޅަހެޔޮ ސިއްހަތަކަށް އެދި ހެޔޮ އެދުން އަރިސްކުރަމެވެ. އަދި ނޭޕާލްގެ އެކުވެރި ރައްޔިތުންނަށް ކުރިއެރުމާއި ތަނަވަސްކަން ދެއްވުން އެދެމެވެ.