ހދ. ހަނިމާދޫގައި ދުރާލާ އިންޒާރުދޭ ނިޒާމް ހަރުދަނާކުރުމަށް މަޝްވަރާ ބައްދަލުވުމެއް ބާއްވައިފި
ހދ. ހަނިމާދޫގައި ދުރާލާ އިންޒާރުދޭ ނިޒާމް ހަރުދަނާކުރުމަށް މަޝްވަރާ ބައްދަލުވުމެއް ބާއްވައިފިއެވެ.
ހދ. އަތޮޅުގެ ކަމާގުޅޭ ފަރާތްތަކާއެކު ދުރާލާ އިންޒާރުދޭ ނިޒާމް ހަރުދަނާކުރުމަށް ރޭވޭ މަޝްރޫޢަކާއި ގުޅޭ މަޝްވަރާ ބައްދަލުވުމެއް ހދ. ހަނިމާދޫގައި ބާއްވައިފިއެވެ. މި ބައްދަލުވުމުގައި މޫސުމަށް އަންނަ ބަދަލުތަކާ ބެހޭ މުޢާހަދާގެ ދަށުން ތައްޔާރުކުރެވޭ ރިޕޯޓުތަކާ ގުޅޭގޮތުންވެސް މަޝްވަރާކުރެވުނެވެ.
މި ބައްދަލުވުމުގައި ހދ. އަތޮޅުގެ ރަށްރަށުގެ ކައުންސިލްތަކާއި، ސަރުކާރުގެ އިދާރާތަކާއި އަދި އަމިއްލަ ޖަމްޢިއްޔާތަކުގެ ފަރާތުން ބައިވެރިވިއެވެ. ދުރާލާ އިންޒާރުދޭ ނިޒާމް ހަރުދަނާކުރުމުގެ މުހިންމުކަމާއި، މޫސުމަށް އަންނަ ބަދަލުތަކުގެ ސަބަބުން ކުރިމަތިވެދާނެ ނުރައްކާތަކަށް ތައްޔާރުވުމުގެ މުހިންމުކަން މި ބައްދަލުވުމުގައި ފާހަގަކުރެވުނެވެ.
މި ބައްދަލުވުން ބޭއްވުނީ މިދިޔަ ހަފްތާގައި ކަމަށްވާއިރު، މީގެ ކުރިން މިފަދަ ބައްދަލުވުންތައް އެހެން އަތޮޅުތަކުގައިވެސް ބޭއްވިފައިވާކަން ފާހަގަކުރެވެއެވެ. މި މަޝްރޫޢުގެ ސަބަބުން ރާއްޖޭގެ ހުރިހާ ސަރަޙައްދެއްގައި ދުރާލާ އިންޒާރުދޭ ނިޒާމް އިތުރަށް ހަރުދަނާވެ، ކާރިސާތަކަށް ތައްޔާރުވުމުގެ ޤާބިލުކަން އިތުރުވެގެންދާނެ ކަމަށް އުންމީދުކުރެވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
