އެސްޓީއޯގެ ބޭސްފިހާރަތަކުން ޤަވާޢިދުން ބޭސް ލިބުމުގައި މިހާރު ހުރި ދަތިތައް ޙައްލުކުރުމާ ގުޅޭގޮތުން މަޝްވަރާކޮށްފި

މާލެ އަތޮޅާއި، އަރިއަތޮޅު އުތުރުބުރިއާއި، އަރިއަތޮޅު ދެކުނުބުރިއާއި، ފެލިދެއަތޮޅާއި، އަދި މުލަކަތޮޅު ހިމެނޭ ކްލަސްޓަރގެ ފަރާތުން އެސްޓީއޯއާއެކު ބައްދަލުވުމެއް ބާއްވައިފިއެވެ.

މި ބައްދަލުވުމުގައި މަޝްވަރާކުރެވުނީ އަތޮޅު ކަަައުންސިލްތަކާއި، ރަށު ކައުންސިލްތަކުން ހުށައަޅައިފައިވާ ފަދައިން ރަށްރަށުގައި ހުރި އެސްޓީއޯގެ ބޭސްފިހާރަތަކުން ޤަވާޢިދުން ބޭސް ލިބުމުގައި މިހާރު ހުރި ދަތިތައް ޙައްލުކުރުމާ މެދު މަޝްވަރާކުރެވުނެވެ.

މި ކުލަސްޓަރ ބެލެހެއްޓެވުމާއި ހަވާލުވެ ހުންނެވި ޑެޕިޔުޓީ މިނިސްޓަރ އަޙްމަދު ޙަލީމާއި، ކުލަސްޓަރގައި ހިމެނިލައްވާ އަތޮޅު ކޯޑިނޭޓަރުން މި ބައްދަލުވުމުގައި ބައިވެރިވެލެއްވިއެވެ.

މަޝްވަރާކުރެވުނު ކަންކަމުގައި އެސްޓީއޯއިން ވަރަށް އުއްމީދީ ޖަވާބުތަކެއް ވަނީ ދެއްވާފައެވެ.