އެމްކިއުއޭއިން އެމްއެންޑީއެފް އާއިއެކު މަޝްވަރާ ކޮށްފި

މޯލްޑިވިސް ނެޝަނަލް ޑިފެންސް ފޯސް (އެމް.އެން.ޑީ.އެޕް) އިން ކުރިއަށްގެންދާ ކޯސްތަކާއި ތަމްރީން ޕްރޮގްރާމްތަކާއި ގުޅޭގޮތުން މަޝްވަރާކުރެއްވުމަށް މޯލްޑިވިސް ކޮލިފިކޭޝަން އޮތޯރިޓީ (އެމް.ކިއު.އޭ) އާއި ބައްދަލުކުރައްވައިފިއެވެ.

މިމަހުގެ 21 ވީ އާދީއްތަ ދުވަހު އެމް.ކިޔު.އޭގައި ބޭއްވުނު މި ބައްދަލުވުމުގެ މައިގަނޑު މަޤްސަދަކީ އެމް.އެން.ޑީ.އެފްގައި ހިންގާ ކޯސްތަށް އޮޑިޓްކޮށް، އެކޯސްތަށް ކުރިއަށް ގެންދިއުމުގައި އެމް.ކިއު.އޭއާއި ގުޅޭ ކަންކަމާމެދު މަޝްވަރާކުރުމެވެ. އެމް.ކިއު.އޭ ޕްރޮޤްރާމް އޮޑިޓްކުރުމުގެ ބެނުމަކީ އެމް.އެން.ޑީއެފްގެ ދަށުން ދިވެހިރާއްޖޭގެ ސިފައިން ތަމްރީނުކުރުމަށް ކުރިއަށްގެންދާ ކޯސްތަކަކީ އެމް.ކިއު.އޭގެ ޤަވާޢިދުތަކާއި އުސޫލުތަކަށް އެއްގޮތަށް ހިންގާ ކޯސްތަކެއްކަން ކަށަވަރުކުރެއްވުމެވެ.

އެމް.އެން.ޑި.އެފްގެ ދަށުން ހިންގާ ކޮލެޖް އޮފް ޑިފެންސް އެންޑް ސެކިއުރިޓީ ސްޓަރޑީސް (ސީ.ޑީ.އެސް.އެސް)ގެ ކޯސްތަކުގެ ތެރޭގައި ކޯޕޮރަލް ޓްރެއިނިންގ،ލީޑަރޝިޕް ކޯސްތަކުގެ އިތުރުން ވެސް ތަފާތު އެކިއެކި ކޯސްތައް ހިމެނެއެވެ.

މިނިސްޓްރީ އޮފް ހަޔަރ އެޑިއުކޭޝަން ލޭބަރ އެންޑް ސްކިލްސް ޑިވޮލޮޕްމަންޓް ގެ ދަށުން ހިންގާ މޯލްޑިވްސް ކޮލިފިކޭޝަން އޮތޯރިޓީން، އެކި އެކި ކޮލެޖް، އިންސްޓިޓިއުޓް ތަކުގެ އިތުރުން މުއައްސަސާތަކާއި އެކު ބައްދަލުވުންތައް ބާއްވާ، އެ އިދާރާތަކުން ހިންގާ ކޯސްތަކަކީ ފެންވަރު ރަގަޅު ކޯސްތަކަކަށް ހެދުމަށް ބޭނުންވާ އެހީތެރިކަން އަންނަނީ ފޯރުކޮށްދެމުންނެވެ.