ބަނގުރާ ކަމަށް ޝައްކުވާ ކޭސްތަކެއް ފެނުނު މައްސަލައެއްގެ ތަހުގީގަށް ބިދޭސިއަކު ހޯދަނީ
ހުޅުމާލޭގެ ދެވަނަ ފިޔަވަހީގައި ބާއްވާފައި އޮތް ކާރަކުން ބަނގުރާ ކަމަށް ޝައްކުވާ ކޭސްތަކެއް ފެނުނު މައްސަލައެއްގެ ތަހުގީގަށް ބިދޭސިއަކު ހޯދަން އިއުލާނުކޮށްފިއެވެ.
ފުލުހުން ހާމަކުރެއްވި ގޮތުގައި މި މައްސަލައިގައި ހޯދަމުންދަނީ ބަންގްލަދޭޝަށް ނިސްބަތްވާ އުމުރުން 23 އަހަރުގެ ޓަފްޖޮލް މިއާއެވެ.
ފުލުހުން މީޑިއާތަކަށް މައުލޫމާތު ދިންގޮތުގައި ފުލުހުން ބުނީ، ޓަފްޖޮލް މިއާ ހޯދަމުންދަނީ މިދިޔަ ބުރާސްފަތި ދުވަހުގެ ވަގުތެއްގައި ހުޅުމާލޭގެ ދެވަނަ ފިޔަވަހީގައި ހުންނަ ވިނަރެސް ފްލެޓުތައް ކައިރީގައި އޮންނަ ހުސްބިމުގައި ބާއްވާފައި އޮތް ކާރަކުން ބަނގުރާ ކަމަށް ޝައްކުކުރެވޭ އެއްޗެއް ހުރި ހަ ކޭސް ފެނިފައިވާ މައްސަލައަކާ ގުޅިގެން ކަމަށެވެ.
މީގެ އިތުރުން އޭނާ އާ ބެހޭ މައުލޫމާތުތައް ހިއްސާކުރުމަށް ހުޅުމާލެ ދެވަނަ ފިޔަވަހީގެ ފުލުހުންގެ އިދާރާ އަށް (9393351)، ނުވަތަ ފުލުހުންގެ ހޮޓްލައިނަށް (3322111) ގުޅުމަށް ފުލުހުން އެދެއެވެ. އަދި މައުލޫމާތު ލިބޭ ގޮތުގައި ފްޖޮލް މިއާ އަކީ ކާރު ދުއްވަން އިން ޑްރައިވަރެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
