އައިޔޫއެމް އިން ޕޯސްޓްގްރެޖުއޭޓް ދަރިވަރުންނަށް ޚާއްސަ ސެޝަނެއް ބާއްވަނީ

ދިވެހިރާއްޖޭގެ އިސްލާމިކް ޔުނިވާސިޓީ (އައިޔޫއެމް)ގެ ސެންޓަރ ފޮރ ޕޯސްޓްގްރެޖުއޭޓް ސްޓަޑީޒް އިން ލައިބްރަރީ އިންފޮރމޭޝަން ސެޝަންގެ ނަމުގައި ސެޝަނެއް ބޭއްވުމަށް ތައްޔާރުވެއްޖެއެވެ.

ޕޯސްޓްގުރެޖުއޭޓް ނުވަތަ ބެޗްލާރސްޑިގްރީ ހާޞިލުކޮއްފައިވާ ދަރިވަރުންނަށް ޚާއްސަކޮށް ކުރިއަށް ގެންދިޔުމަށް ހަމަޖެހިފައިވާ މި ސެޝަންގެ ފެސިލިޓޭޓަރ އަކީ އައިޔޫއެމް ގެ ޗީޕް ލައިބްރޭރިއަން، ފާތިމަތު ނަޝްއަތްއެވެ.

މި ސެޝަންގައި، މާރސްޓާސް ޑިގްރީއަށް ނުވަތަ އެއަށް ވުރެ މަތީ ފެންވަރެއްގެ ތަޢުލީމެއް ހާޞިލުކުރަމުންދާ ނުވަތަ ހާޞިލުކުރުމަށް ޝައުގުވެރިވާ ބޭފުޅުންނަށް ބޭނުންތެރި ފޮތްތަކާއި އެނޫން ވެސް ވަސީލާތްތަކާއި ގުޅޭގޮތުން މަޢުލުމާތު ޙިއްސާކުރެވޭނެއެވެ.

މި ސެޝަނަކީ 25 އޮގަސްޓް 2024 ވާ އާދިއްތަ ދުވަހުގެ ރޭގަނޑު 20:30 އިން 22:00 އަކަށް، އޮންލައިންކޮށް ކުރިއަށް ގެންދިޔުމަށް ހަމަޖެހިފައިވާ ސެޝަނެކެވެ.

މި ސެޝަންގައި ބައިވެރިވުމަށް ޝައުގުވެރިވާ ބޭފުޅުންނަށް ތިރީގައިވާ ލިންކު މެދުވެރިކޮށް، އޮންލައިންކޮށް ބައިވެރިވެވޭނެއެވެ.