އިތުރު ތަމްރީނަށް އިމާމުން ބުރުނާއީ ދާރުއްސަލާމްއަށް!
ދިވެހިރާއްޖޭގެ އިމާމުންނާއި ޚަތީބުންނަށް ރާއްޖެއާއި ރާއްޖޭން ބޭރުން އިތުރު ތަމްރީން ދިނުމަށް ފަށައިފައިވާ ޚާއްޞަ ޕްރޮގްރާމުގެ ތެރެއިން 20 އިމާމުް ބުރުނާއީއަށް ފުރައިފިއެވެ.
ދީނިީ އިލްމުގެ ރޮނގުން ކުރިއަރާފައިވާ ގައުމުތަކަށް ފޮނުވައިގެން އިމާމުން ތަމްރީންކުރަން އިސްލާމިކް މިނިސްޓްރީން ނިންމާފައިވާ އިރު އޭގެ ތެރޭގައި އަރަބި އިސްލާމީ ގައުމުތަކާއި އެ ނޫން ވެސް އިސްލާމީ ބޮޑެތި ޔުނިވަސިޓީތަކަށް ފޮނުވާނެ ކަމުގެ ޔަޤީންކަން ވަޒީރު ޑރ. މުހައްމަދު ޝަހީމް ޢަލީ ސަޢީދު ވަނީ މީގެ ކުރީން ދެއްވާފައެވެ.
އިމާމުން ތަމްރީން ކުރުމުގެ ޕްރޮގްރާމްގެ ތެރެއިން ދެ ބުރެއްގެ މަތިން އިމާމުން ވަނީ މިއަހަރު ސައުދީ އަރަބިއްޔާއަށް ޒިޔާރަތްކޮށްފައެވެ.
ރާއްޖޭގައި ތިބި ހުރިހާ އިމާމުންނާއި ހަތީބުން ތަމްރީންކުރުމުގެ ގައުމީ މަޝްރޫއުގައި ގއ. ގެމަނަފުށްޓާއި ފުވައްމުލަކުގައި ވަނީ ތަމްރީނު ޕްރޮގްރާމެއް ކުރިއަށް ގެންގޮސްފައެވެ.
އިމާމުންނާއި ޚަޠީބުން އިތުރަށް ތަމްރީން ކުރުމަކީ ރައީސް ޑރ. މުޙައްމަދު މުޢިއްޒުގެ އިރުޝާދާ އެކު އިސްލާމީ ކަންތައްތަކާ ބެހޭ ވުޒާރާއިން ވަރަށް އިސްކަން ދީގެން ކުރަމުން އަންނަ މަސައްކަތެއްކަން ފާހަގަކޮށްލެވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
