ފީފާގެ ޓެކްނިކަލް ކޮމިޓީއަށް ތޯރިގު

ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ ރައީސް އަހުމަދު ތާރިގު ފީފާ ކައުންސިލުން ފީފާގެ ޓެކްނިކަލް ޑިވެލޮޕްމަންޓް ކޮމިޓީގެ މެންބަރެއްގެ ގޮތުގައި 2025–2029 ގެ ދައުރަށް އައްޔަންކޮށްފިއެވެ. 

ހޮނިހިރު ދުވަހު މީރުމާ ހޮޓަލުގައި ބޭއްވި އެފްއޭއެމްގެ އިންތިހާބީ ކޮންގްރެސްއަށް ނަން ހުށަހެޅީ ހަމައެކަނި ތޯރިގު އެވެ. އޭނާ ނޮމިނޭޝަން ހުށަހެޅީ ހުރިހާ މެމްބަރު ކްލަބުތަކެއްގެ ތާއީދާއެކުއެވެ.

ތޯރިގު 2016 ވަނަ އަހަރު އެފްއޭއެމްގެ ރައީސްކަން ކުރެއްވި ނަމަވެސް ވެރިކަމާ ހަވާލުވެވަޑައިގެންނެވިތާ ހަތަރު މަސް ނުވަނީސް އެކްސްކޯގެ ފަސް މެމްބަރަކު އެއްފަހަރާ އިސްތިއުފާ ދެއްވުމުން ތޯރިގުގެ އަޣުލަބިއްޔަތު ގެއްލުނެވެ.

އެފްއޭއެމްއިން ބުނެފައިވަނީ މި މަގާމަށް ތޯރިގު އައްޔަންކޮށްފައި ވަނީ މި މަހު 2 ވަނަ ދުވަހު ބޭއްވި ކައުންސިލް ބައްދަލުވުމުގައެވެ. 

މިއީ މިފަދަ މަގާމަކަށް ދިވެއްސަކު އައި ފުރަތަމަ ފަހަރުކަމަށް ވާއިރު، ތޯރިގް ވެގެންދަނީ ފީފާގެ ދާއިމީ ކޮމިޓީއެއްގައި ހިމެނިވަޑައިގަންނަވާ ފުރަތަމަ ދިވެއްސަށެވެ.