ރާއްޖޭގައި ފުރަތަމަ ފަހަރަށް ސައިޓޯޓޮކްސިކް ކުނި ނައްތާލާ މަރުކަޒެއް އައްޑޫ ސިޓީގައި ގާއިމުކުރަނީ

ކެންސަރު ބައްޔަށް ފަރުވާ ދިނުމަށް ބޭނުންކުރާ ކީމޯތެރަޕީގެ ސަބަބުން އުފެދޭ ނުރައްކާތެރި ކުނި ރައްކާތެރިކަމާއެކު ނައްތާލުމަށްޓަކައި، ރާއްޖޭގައި ފުރަތަމަ ފަހަރަށް ޚާއްސަ "ސައިޓޯޓޮކްސިކް ވޭސްޓް ޓްރީޓްމަންޓް އެންޑް ސްޓޯރޭޖް ފެސިލިޓީ" އެއް އައްޑޫ ސިޓީގައި ގާއިމުކުރުމުގެ އެއްބަސްވުމުގައި ސަރުކާރުން ސޮއިކޮށްފިއެވެ.

މި މަޝްރޫޢަކީ މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނާޖީ އާއި، އައްޑޫ އިކުއެޓޯރިއަލް ހޮސްޕިޓަލް (އޭއީއެޗް) އަދި ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގުޅިގެން ކުރިއަށްގެންދާ މަޝްރޫޢެކެވެ. މި އެއްބަސްވުމުގެ ދަށުން މިނިސްޓްރީން މަޝްރޫޢު ވިލަރެސްކުރާއިރު، އޭއީއެޗުން ސައިޓޯޓޮކްސިކް ކުނި ރައްކާތެރިކަމާއެކު އެއްކޮށް ބެލެހެއްޓުމުގެ މަސައްކަތް ކުރާނެއެވެ. އަދި މި މަރުކަޒު ހިންގުމާއި ބެލެހެއްޓުމުގެ ޒިންމާ އަދާކުރާނީ ވެމްކޯއިންނެވެ.

އައްޑޫ އިކުއެޓޯރިއަލް ހޮސްޕިޓަލުގައި 2019 ވަނަ އަހަރުން ފެށިގެން ކީމޯތެރަޕީގެ ޚިދުމަތް ދެމުން އަންނައިރު، މިފަދަ ކުނި ރައްކާތެރިކަމާއެކު ނައްތާލެވޭނެ ނިޒާމެއް ނެތުމުގެ ސަބަބުން މިހާތަނަށް ގާތްގަނޑަކަށް 70 ކިލޯގެ ސައިޓޯޓޮކްސިކް ކުނި ވަނީ އެ ހޮސްޕިޓަލުގައި ޖަމާވެފައެވެ. މި މަޝްރޫޢުގެ ސަބަބުން މި މައްސަލައަށް ދާއިމީ ހައްލެއް ލިބިގެންދާނެއެވެ.

ސައިޓޯޓޮކްސިކް ކުންޏަކީ މުއްދަތު ހަމަވެފައިވާ ނުވަތަ ބޭނުންނުކޮށް ހުންނަ ކީމޯތެރަޕީ ބޭހާއި، އެ ބޭސް ތައްޔާރުކުރުމަށާއި ބޭނުންކުރުމަށް އެހީތެރިވެދޭ ތަކެއްޗެވެ. މި ބޭސްތަކަކީ ކެންސަރު ސެލްތައް ނައްތާލުމަށް އުފައްދާފައިވާ އެއްޗަކަށް ވުމުން، މިފަދަ ކުންޏަށް ހުށަހެޅުމަކީ ސިއްހީ ޚިދުމަތްތެރިންނާއި ކުނި އުކާލާ ފަރާތްތަކުގެ ދުޅަހެޔޮ ސެލްތަކަށް ވެސް ގެއްލުންވެދާނެ ކަމެކެވެ. މީގެ އިތުރުން ރައްކާތެރި ނޫން ގޮތުގައި މިފަދަ ކުނި އުކާލުމުން ބިމަށާއި ފެނަށް ނުރައްކާތެރި ކެމިކަލްތައް ފެތުރުމުގެ ފުރުސަތު އޮވެއެވެ.

މިއީ ރާއްޖޭގައި މިފަދަ މަރުކަޒެއް ގާއިމުކުރެވޭ ފުރަތަމަ ފަހަރު ކަމަށްވާތީ، މި މަޝްރޫޢުގެ ސަބަބުން ސައިޓޯޓޮކްސިކް ކުނި ރައްކާތެރިކަމާއެކު ބެލެހެއްޓުމުގެ އުސޫލުތައް އެކުލަވާލައި ތަންފީޒުކުރުމަށް މަގުފަހިވާނެއެވެ. އަދި މި މަރުކަޒުން ލިބޭ ތަޖުރިބާގެ އަލީގައި، ރާއްޖޭގެ އެހެނިހެން ސިއްހީ މަރުކަޒުތަކަށް ކުރިމަތިވެފައިވާ މިފަދަ މައްސަލަތަކަށް ދުރުރާސްތާ ހައްލުތަކެއް ހޯދުމަށް ފަސޭހަވެގެންދާނެއެވެ.

މި މަޝްރޫޢަށް މާލީ އެހީތެރިކަން ފޯރުކޮށްދެނީ ގްލޯބަލް އެންވަޔަރަންމަންޓް ފެސިލިޓީ (ޖީއީއެފް) އިންނެވެ. އެއީ ސްޓޮކްހޯމް ކޮންވެންޝަން އޮން ޕާސިސްޓެންޓް އޯގަނިކް ޕޮލިއުޓެންޓްސް (ޕޮޕްސް) ގެ ދަށުން ރާއްޖޭގެ ނޭޝަނަލް އިމްޕްލިމެންޓޭޝަން ޕްލޭން މުރާޖައާކޮށް އަދާހަމަކުރުމުގެ މަޝްރޫޢުގެ ތެރެއިންނެވެ. މީގެ އިތުރުން ފަންނީ އެހީތެރިކަން ލިބެނީ "އެލިމިނޭޓިންގ ޕޮޕްސް ތުރޫ ސައުންޑް މެނޭޖްމަންޓް އޮފް ކެމިކަލްސް" މަޝްރޫޢުގެ ދަށުންނެވެ.

މި މަސައްކަތުގެ ސަބަބުން، ރައްކާތެރި ނޫން ގޮތުގައި ކުނި ނައްތާލުމުގެ ތެރޭގައި ޖައްވަށް ބޭރުވާ ނުރައްކާތެރި ވިހަ މާއްދާތައް މަދުކުރުމަށް ބާރުލިބޭނެއެވެ. ސިއްހީ ކުނި އެންދުމަކީ ޑައިއޮކްސިން އަދި ފިއުރަން ފަދަ ވިހަ މާއްދާތައް ޖައްވަށް ބޭރުވާ ކަމެކެވެ. މި މާއްދާތަކަކީ ތިމާވެށީގައި ގިނަ ދުވަހު ހުންނަ އަދި ވައިގެ ތެރެއިންނާއި ފެނުގެ ޒަރީއާއިން ދިރުންތަކަށް ގެއްލުންދޭ މާއްދާތަކެކެވެ.

މީގެ އިތުރުން، ނުރައްކާތެރި ކެމިކަލާއި ކުނި ވަގުތީ ގޮތުން ރައްކާކުރާ މަރުކަޒެއް ގާއިމުކުރުމަށްޓަކައި އައްޑޫ ސިޓީ ހިތަދޫން މިހާރު ވަނީ ބިން ވެސް ހަވާލުކޮށްފައެވެ. އަދި މި އަހަރުގެ ތެރޭގައި އެތަނުގެ އިމާރާތްކުރުމުގެ މަސައްކަތް ނިންމައި ޚިދުމަތް ދޭން ފެށޭނެ ކަމަށް ލަފާކުރެވެއެވެ.

މި މަޝްރޫޢުތަކަކީ ރާއްޖޭގައި ސިއްހީ ޚިދުމަތްތައް ފުޅާވަމުން އަންނައިރު، ނުރައްކާތެރި ކެމިކަލާއި ސިއްހީ ކުނި ބެލެހެއްޓުމުގެ ނިޒާމު ހަރުދަނާކޮށް، ސިއްހީ ދާއިރާގެ މުވައްޒަފުންނާއި، ކުނި ނައްތާލުމުގައި ހަރަކާތްތެރިވާ ފަރާތްތަކުގެ އިތުރުން އާންމު ރައްޔިތުންނާއި ތިމާވެއްޓަށް ކުރިމަތިވާ ނުރައްކާތައް ކުޑަކުރުމަށް ސަރުކާރުން ކުރަމުންދާ މަސައްކަތުގެ މުހިންމު ބައެކެވެ.


ކޮމެންޓް ކުރޭ

އީމެއިލް ނުފެންނާނެއެވެ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

އިތުރު ލިއުން
ދިވެހިރާއްޖޭގައި ފަހިވަމުން އަންނަ ވިޔަފާރީގެ ފުރުޞަތުތަކުގެ ބޭނުންހިފައި، ދިގުމުއްދަތުގެ ވިޔަފާރީގެ ގުޅުންތައް ޤާއިމުކުރުމުގެ ދަޢުވަތު، ޕާކިސްތާނުގެ ވިޔަފާރިވެރިންނަށް ރައީސުލްޖުމްހޫރިއްޔާ ދެއްވައިފި
ދިވެހިރާއްޖޭގައި ފަހިވަމުން އަންނަ ވިޔަފާރީގެ ފުރުޞަތުތަކުގެ ބޭނުންހިފައި، ދިގުމުއްދަތުގެ ވިޔަފާރީގެ ގުޅުންތައް ޤާއިމުކުރުމުގެ ދަޢުވަތު، ޕާކިސްތާނުގެ ވިޔަފާރިވެރިންނަށް ރައީސުލްޖުމްހޫރިއްޔާ ދެއްވައިފި
އަޚުވަންތަކަމާއި އިސްލާމީ އެއްބައިވަންތަކަމުގެ މައްޗަށް ބިނާވެފައިވާ 60 އަހަރުގެ ޚާރިޖީ ގުޅުން ފާހަގަކުރައްވަމުން ރައީސުލްޖުމްހޫރިއްޔާ ވިދާޅުވީ، ދެޤައުމުގެ މެދުގައި އޮތް ޚާރިޖީ އިތުބާރާއި ސިޔާސީ ގުޅުން ބަދަހިކަމާއެކު ދެމިއޮތް ނަމަވެސް، އިޤްތިޞާދީ ގުޅުން އެންމެ ފުރިހަމަ ގޮތުގައި އަދިވެސް ބަދަހިވެގެންނުދާ ކަމަށެވެ. އަދި ކުރިއަށް އޮތް ދެ އަހަރުގެ ތެރޭގައި ދެޤައުމުގެ މެދުގައި ކުރެވޭ ވިޔަފާރީގެ މިންވަރު، 200 މިލިއަން އެމެރިކާ ޑޮލަރަށް އިތުރުކުރުމަށް ޕާކިސްތާނުގެ ބޮޑުވަޒީރު ޝަހްބާޒް ޝަރީފް ވަޢުދުވެވަޑައިގެންފައިވާކަން އެމަނިކުފާނު ފާހަގަކުރެއްވިއެވެ.
ޚަބަރު 23 Oct 2026
ރައީސުލްޖުމްހޫރިއްޔާގެ ދެކަނބަލުން ޕާކިސްތާނަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު މާލެ ވަޑައިގެންފި
ރައީސުލްޖުމްހޫރިއްޔާގެ ދެކަނބަލުން ޕާކިސްތާނަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު މާލެ ވަޑައިގެންފި
ރައްޔިތުންގެ މިދަތުރުފުޅު ވެގެންގޮސްފައިވަނީ ދިވެހިރާއްޖެއާއި ޕާކިސްތާނާ ދެމެދު ސިޔާސީ ގުޅުން ޤާއިމުކުރިތާ 60 އަހަރު ފުރުނު ތާރީޚީ މުނާސަބަތާވެސް ގުޅިފައިވާ ދަތުރުފުޅަކަށެވެ. އަދި މި ދަތުރުފުޅުގެ ސަބަބުން ދެ ޤައުމުގެ މެދުގައި އޮތް ޒަމާންވީ ގުޅުން ބަދަހިކޮށް، ދެ ޤައުމަށް ފައިދާހުރި މުހިންމު ދާއިރާތަކުން އިތުރަށް ގުޅުން ހަރުދަނާކުރުމަށް މަގުފަހިވެގެންދިޔައެވެ.
ޚަބަރު 23 Oct 2026
5 މިލިއަން ގަސް އިންދުމުގެ މަޝްރޫޢު: އަމާޒުގެ ގާތްގަނޑަކަށް ދެބައިކުޅައެއްބައި ހާސިލުވެއްޖެ
5 މިލިއަން ގަސް އިންދުމުގެ މަޝްރޫޢު: އަމާޒުގެ ގާތްގަނޑަކަށް ދެބައިކުޅައެއްބައި ހާސިލުވެއްޖެ
މި މަޝްރޫޢާ ގުޅޭގޮތުން އާންމުކޮށްފައިވާ އެންމެ ފަހުގެ ހިސާބުތައް ދައްކާގޮތުން، ރާއްޖޭގެ އެކި ކަންކޮޅުތަކުގައި މިހާތަނަށް ޖުމްލަ 2،463،339 )ދެ މިލިއަން ހަތަރު ލައްކަ ފަސްދޮޅަސް ތިން ހާސް ތިންސަތޭކަ އޮނަތިރީސް( ގަސް ވަނީ އިންދާފައެވެ. މިއީ ސަރުކާރުން އަމާޒު ހިފާފައިވާ 5 މިލިއަން ގަހުގެ ނިސްބަތުން ބަލާއިރު 49.3 އިންސައްތައެވެ.
ޚަބަރު 23 Oct 2026
ޕާކިސްތާނުގެ އިންޓަރނޭޝަނަލް އިސްލާމިކް ޔުނިވަރސިޓީ އިސްލާމްއާބާދުން ރައީސް ޑރ. މުޢިއްޒަށް ޝަރަފުވެރި ޑޮކްޓަރޭޓް އެރުވުން
ޕާކިސްތާނުގެ އިންޓަރނޭޝަނަލް އިސްލާމިކް ޔުނިވަރސިޓީ އިސްލާމްއާބާދުން ރައީސް ޑރ. މުޢިއްޒަށް ޝަރަފުވެރި ޑޮކްޓަރޭޓް އެރުވުން
މި ޝަރަފު ރައީސް ޑރ. މުޢިއްޒަށް އަރުވާފައިވަނީ ރައީސުލްޖުމްހޫރިއްޔާއާއި ޕާކިސްތާނުގެ ބޮޑުވަޒީރު ޝެހްބާޒް ޝަރީފާ ދެމެދު ބޭއްވެވި ރަސްމީ މަޝްވަރާތަކަށްފަހު، ދެ ޤައުމުގެ ވެރިން މީޑިއާއަށް ބަޔާން ދެއްވުމަށް ބޭއްވި ރަސްމިއްޔާތުގައެވެ. މި ޚާއްޞަ ރަސްމިއްޔާތު ޝަރަފުވެރިކޮށްދެއްވީ ބޮޑުވަޒީރު ޝެހްބާޒް ޝަރީފެވެ.
ޚަބަރު 21 Oct 2026