ޑިޖިޓަލް ޑޮކިއުމެންޓޭޝަންގެ އޮފް ކަލްޗަރަލް ޕްރެކްޓިސަސް އޮފް ދަ ސާކް ރީޖަންގައި ބައިވެރިވުމުގެ ފުރުސަތު ހުޅުވާލައިފި
ޑިޖިޓަލް ޑޮކިއުމެންޓޭޝަންގެ އޮފް ކަލްޗަރަލް ޕްރެކްޓިސަސް އޮފް ދަ ސާކް ރީޖަންގައި ބައިވެރިވުމުގެ ފުރުސަތު ހުޅުވާލައިފިއެވެ.
ނޭޝަނަލް ސެންޓަރ ފޯ ދި އާޓްސްއިން ބުނީ، ސާކް ކަލްޗަރަލް ސެންޓަރުން އިންތިޒާމް ކުރައްވައިގެން މިއަހަރު ކުރިއަށްގެންދަން ހަމަޖެހިފައިވާ ސައުތް އޭޝިއަން ގައުމުތަކުގެ ސަޤާފަތާއި ތަރިކައާއި ގުޅޭ، “ ރަޝަޝް،ރީޑް، ނެޗުރަލް، ފައިބާ” ގެ ޒަރިއްޔާއިން އުފައްދާ އުފެއްދުންތަކަށް ހާއްސަކޮށް ޕްރޮޑިއުސްކުރުމަށް ހަމަޖެހިފައިވާ ޑޮކިއުމެންޓޭޝަން ޕްރޮޑިއުސް އަދި ޑައިރެކްޓްކުރުމުގައި ބައިވެރިކުރުމުގެ ފުރުޞަތު ރާއްޖެއަށް ލިބިފައިވާ ކަމަށެވެ.
މި ޑޮކިއުމެންޓޭޝަންގެ މަޤްސަދަކީ ސައުތް އޭޝީއާގެ ޤައުމުތަކުގެ ސަޤާފަތްތަކާއި، އަތްތެރި މަސައްކަތާއި ފަންނުވެރިކަމުގެ މަސައްކަތް، އާދަކާދަތަކާއި އަދި އިހުޒަމާނުގައި މިފަދަ މަސައްކަތްތައް ކުރިއަށް ގެންދިޔަގޮތް ބެލުންތެރިންނަށް ދައްކުވައިދީ އަދި ބެލުންތެރިން މިފަދަ މައުޟޫތަކަށް ޝައުގުވެރިކުރުން ކަމަށް އެންސީއޭއިން ބުނެއެވެ.
އެންސީއޭއިން ވަނީ ޑޮކިއުމެންޓޭޝަން ޕްރޮޑިއުސް އަދި ޑައިރެކްޓްކުރުމުގައި ބައިވެރިވެލެއްވުމަށް އެދޭ ފަރާތްތަކުން 26 އޮގަސްޓް 2024 ވާ ހޯމަ ދުވަހުގެ 13:00 ގެ ކުރިން އެސެންޓަރަށް ސީވީ އަދި ސަޕޯޓިންގ ޑޮކިއުމެންޓްސް [email protected] އަށް މެއިލްކކުރުމަށް އެދިފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
