އިސްރާއީލުގެ ސިފައިން ޔަމަނުގެ ރަސް އީސާ އަދި ހޮދައިދާގައި ވައިގެ ހަމަލާތައްދޭން ފަށައިފި

އިސްރާއީލުގެ ސިފައިން ޔަމަނުގެ ރަސް އީސާ އަދި ހޮދައިދާގައި ވައިގެ ހަމަލާތައްދޭން ފަށައިފި

އިސްރާއީލުގެ ސިފައިން ބުނެފައިވަނީ ޔަމަނުގައިވާ ހޫތީންގެ އަމާޒުތަކަށް ވައިގެ ހަމަލާތައް ދީފައިވާ ކަމަށެވެ. މިއީ ޣައްޒާ އަދި ލެބަނޮންގައި އިސްރާއީލުން ދެމުންދާ ހަމަލާތަކާ ގުޅިގެން ސަރަޙައްދުގައި ހަނގުރާމައިގެ އަލިފާން ފެތުރިދާނެކަމުގެ ބިރުވެރިކަން އިތުރުވެގެންދާ ކަމެކެވެ.

އާދީއްތަ ދުވަހު ނެރުނު ބަޔާނެއްގައި، ސިފައިން ބުނެފައިވަނީ ފައިޓަރ ޖެޓްތައް ހިމެނޭ ގޮތަށް ގިނަ އަދަދެއްގެ މަތިންދާބޯޓުތަކުން ރަސް އީސާ އަދި ހޮދައިދާ ބަނދަރުތަކުގައިވާ ކަރަންޓު ޕްލާންޓްތަކާއި ބަނދަރުގެ ވަސީލަތްތަކަށް ހަމަލާދީފައިވާ ކަމަށެވެ. މި ވައިގެ ހަމަލާތަކާ ގުޅިގެން ހޮދައިދާގެ ގިނަ ސަރަޙައްދުތަކުގައި ކަރަންޓު ކެނޑިފައިވާކަމަށް އެތަނުގެ ރައްޔިތުން ބުނެފައިވެއެވެ.

މި ހަމަލާ ދީފައިވަނީ ހޫތީން ބުނިގޮތުގައި އިސްރާއީލުގެ ތެލްއަވީވް ކައިރީގައިވާ ބެން ގުރިއަން ބައިނަލްއަޤްވާމީ ވައިގެ ބަނދަރަށް ބެލިސްޓިކް މިސައިލެއް ދޫކޮށްލި ދުވަހުގެ ޖެހިގެން އައި ދުވަހުއެވެ.

މި ގްރޫޕުން ވަނީ ފާއިތުވި އަހަރުގެ ނޮވެންބަރު މަހުން ފެށިގެން އިސްރާއީލަށާއި ރަތު ކަނޑާއި، އަދަން ކަނޑުބޮޑާއި، ބާބުލް މަންދަބް ހަނިކަނޑުގައި ދަތުރުކުރާ އިސްރާއީލާ ގުޅުންހުރި އުޅަނދުތަކަށް ތަކުރާރުކޮށް ހަމަލާދީފައެވެ. މިއީ ޣައްޒާގައި އިސްރާއީލުގެ ހަމަލާތަކުގެ ދަށުގައިވާ ފަލަސްތީނުގެ ރައްޔިތުންނާ އެއްބައިވުމުގެ ގޮތުން ކުރަމުންދާ ކަމެއް ކަމަށް އެ ގްރޫޕުން ބުނެއެވެ.

ފާއިތުވި އަހަރު ތެރޭގައި، ހޫތީން ވަނީ އީރާނުގެ އިރުޝާދާއި ފައިސާގެ އެހީގެ ދަށުން، އަދި އިރާޤުގެ މިލިޝިއާތަކާ ގުޅިގެން އިސްރާއީލު ދައުލަތަށް ހަމަލާދީ، ސަރަޙައްދުގެ އިސްތިޤްރާރު ނަގާލައި، އަދި ދުނިޔޭގެ ދަތުރުފަތުރުގެ މިނިވަންކަމަށް ހުރަސްއަޅަން މަސައްކަތްކޮށްފައެވެ، އިސްރާއީލުގެ ސިފައިންގެ ބަޔާނުގައި އިތުރަށް ބުނެފައިވެއެވެ.

އިސްރާއީލުން ކުރިން ހޮދައިދާ ބަނދަރަށް ހަމަލާދީފައިވަނީ ޖުލައި މަހުގައި، ހޫތީންގެ ޑްރޯން ހަމަލާއެއް އިސްރާއީލުގެ ވައިގެ ދިފާޢީ ނިޒާމު ފަހަނައަޅައި ގޮސް ތެލްއަވީވްގައި އާންމު ރައްޔިތަކު މަރާލުމަށްފަހުގައެވެ.

މި މަހުގެ ކުރީކޮޅު، ޔަމަނުގެ އުތުރުގެ ގިނަ ސަރަޙައްދުތައް ކޮންޓްރޯލްކުރާ ހޫތީން ވަނީ އެމީހުން ބުނާގޮތުގައި ހައިޕަރސޮނިކް މިސައިލެއް ބޭނުންކޮށްގެން އިސްރާއީލުގެ މެދުތެރެއަށް ހަމަލާއެއް ދީފައެވެ. މި ހަމަލާއިން އަލިފާން ރޯވެ، އެއަރ ރެއިޑް ސައިރަންތައް އިއްވައި، ބެން ގުރިއަން ވައިގެ ބަނދަރު ސަރަޙައްދުގައި ރައްޔިތުން ސަލާމަތީ ތަންތަނަށް ދުވެފައިވެއެވެ.

އީރާނުން ވަނީ އާދީއްތަ ދުވަހު އިސްރާއީލުން ޔަމަނުގެ ހޮދައިދާ ބަނދަރަށް ދިން ހަމަލާތައް ކުށްވެރިކޮށްފައެވެ. އެ ހަމަލާތައް އަމާޒުކޮށްފައިވަނީ ކަރަންޓު ޕްލާންޓަކަށާއި ތެޔޮ ޓޭންކުތަކަކަށް ކަމަށް އީރާނުގެ ޚާރިޖިއްޔާ ވުޒާރާގެ ތަރުޖަމާނު ނާސިރު ކަނާނީ ބަޔާނެއްގައި ބުނެފައިވެއެވެ.

ޔަމަނުގެ ވެރިރަށް ސަނާއިން ނޫސްވެރިއެއް އަދި ސިޔާސީ ދިރާސާވެރިއެއް ކަމުގައިވާ ހުސެއިން އަލް-ބުޚައިތީ އަލްޖަޒީރާއަށް ބުނެފައިވަނީ ހަމަލާ ދެވުނު ސަރަޙައްދުތަކުގައި އަލިފާން ނިއްވުމަށް ފަޔަރ ފައިޓަރުން މަސައްކަތްކުރަމުންދާ ކަމަށެވެ. އޭނާ އިތުރަށް ބުނެފައިވަނީ އެއްް މީހަކު މަރުވެފައިވާކަމަށާއި އަދި އެތައް ބަޔަކަށް އަނިޔާވެފައިވާކަމަށް ރިޕޯޓުތައް ލިބިފައިވާ ކަމަށެވެ.

އަޅުގަނޑު ދެކޭގޮތުގައި އިސްރާއީލީންގެ މައިގަނޑު މަޤްޞަދަކީ ރައްޔިތުންނަށް ފިއްތުން ކުރިމަތިކުރުވުން. ހޮދައިދާ ބަނދަރަކީ ޔަމަނުގެ އިޤްތިޞާދަށް. އަދި ޔަމަނުގެ ރައްޔިތުންނަށް މުހިންމު ތަނެއް. އަޅުގަނޑު ދެކޭގޮތުގައި އެމީހުން ސިވިލިއަން އިންފްރާސްޓްރަކްޗަރއަށް އަމާޒުކޮށް ހަމަލާދިނުން ކުރިއަށް ގެންދާނެ، އޭނާ ބުނެފައިވެއެވެ.

މީގެ އިތުރުން، އާދީއްތަ ދުވަހުގެ މި ވައިގެ ިގެ ހަމަލާތައް ދީފައިވަނީ އިސްރާއީލުން ލެބަނޮންގައި މަރުގެ ހަމަލާތައް ދެމުންދާއިރު، އެކަމުގެ ސަބަބުން އެއް މިލިއަނަށްވުރެ ގިނަ މީހުން ގެދޮރު ދޫކޮށް ދާންޖެހިފައިވާ ދަނޑިވަޅެއްގައެވެ.ހޮނިހިރު ދުވަހު، ހޫތީން ވަނީ ހުކުރު ދުވަހު ލެބަނޮންގެ ދެކުނުގެ ބޭރޫތުގެ އާބާދީ ބޮޑު ސަރަޙައްދެއްގައި އިސްރާއީލުން ދިން ހަމަލާއެއްގައި ހިޒްބުއްލާގެ އިސްވެރިޔާ ހަސަން ނަސްރުއްލާ މަރުވެފައިވާތީ ހިތާމަކޮށްފައެވެ. އަދި އެ ގްރޫޕުން ވަނީ ލެބަނޮންއަށް ދެމުންދާ ހަމަލާތައް ހުއްޓާލުމަށް އިސްރާއީލަށް ގޮވާލާފައެވެ.   

ކޮމެންޓް ކުރޭ

އީމެއިލް ނުފެންނާނެއެވެ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

އިތުރު ލިއުން
ދިވެހިރާއްޖޭގައި ފަހިވަމުން އަންނަ ވިޔަފާރީގެ ފުރުޞަތުތަކުގެ ބޭނުންހިފައި، ދިގުމުއްދަތުގެ ވިޔަފާރީގެ ގުޅުންތައް ޤާއިމުކުރުމުގެ ދަޢުވަތު، ޕާކިސްތާނުގެ ވިޔަފާރިވެރިންނަށް ރައީސުލްޖުމްހޫރިއްޔާ ދެއްވައިފި
ދިވެހިރާއްޖޭގައި ފަހިވަމުން އަންނަ ވިޔަފާރީގެ ފުރުޞަތުތަކުގެ ބޭނުންހިފައި، ދިގުމުއްދަތުގެ ވިޔަފާރީގެ ގުޅުންތައް ޤާއިމުކުރުމުގެ ދަޢުވަތު، ޕާކިސްތާނުގެ ވިޔަފާރިވެރިންނަށް ރައީސުލްޖުމްހޫރިއްޔާ ދެއްވައިފި
އަޚުވަންތަކަމާއި އިސްލާމީ އެއްބައިވަންތަކަމުގެ މައްޗަށް ބިނާވެފައިވާ 60 އަހަރުގެ ޚާރިޖީ ގުޅުން ފާހަގަކުރައްވަމުން ރައީސުލްޖުމްހޫރިއްޔާ ވިދާޅުވީ، ދެޤައުމުގެ މެދުގައި އޮތް ޚާރިޖީ އިތުބާރާއި ސިޔާސީ ގުޅުން ބަދަހިކަމާއެކު ދެމިއޮތް ނަމަވެސް، އިޤްތިޞާދީ ގުޅުން އެންމެ ފުރިހަމަ ގޮތުގައި އަދިވެސް ބަދަހިވެގެންނުދާ ކަމަށެވެ. އަދި ކުރިއަށް އޮތް ދެ އަހަރުގެ ތެރޭގައި ދެޤައުމުގެ މެދުގައި ކުރެވޭ ވިޔަފާރީގެ މިންވަރު، 200 މިލިއަން އެމެރިކާ ޑޮލަރަށް އިތުރުކުރުމަށް ޕާކިސްތާނުގެ ބޮޑުވަޒީރު ޝަހްބާޒް ޝަރީފް ވަޢުދުވެވަޑައިގެންފައިވާކަން އެމަނިކުފާނު ފާހަގަކުރެއްވިއެވެ.
ޚަބަރު 23 Oct 2026
ރައީސުލްޖުމްހޫރިއްޔާގެ ދެކަނބަލުން ޕާކިސްތާނަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު މާލެ ވަޑައިގެންފި
ރައީސުލްޖުމްހޫރިއްޔާގެ ދެކަނބަލުން ޕާކިސްތާނަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު މާލެ ވަޑައިގެންފި
ރައްޔިތުންގެ މިދަތުރުފުޅު ވެގެންގޮސްފައިވަނީ ދިވެހިރާއްޖެއާއި ޕާކިސްތާނާ ދެމެދު ސިޔާސީ ގުޅުން ޤާއިމުކުރިތާ 60 އަހަރު ފުރުނު ތާރީޚީ މުނާސަބަތާވެސް ގުޅިފައިވާ ދަތުރުފުޅަކަށެވެ. އަދި މި ދަތުރުފުޅުގެ ސަބަބުން ދެ ޤައުމުގެ މެދުގައި އޮތް ޒަމާންވީ ގުޅުން ބަދަހިކޮށް، ދެ ޤައުމަށް ފައިދާހުރި މުހިންމު ދާއިރާތަކުން އިތުރަށް ގުޅުން ހަރުދަނާކުރުމަށް މަގުފަހިވެގެންދިޔައެވެ.
ޚަބަރު 23 Oct 2026
5 މިލިއަން ގަސް އިންދުމުގެ މަޝްރޫޢު: އަމާޒުގެ ގާތްގަނޑަކަށް ދެބައިކުޅައެއްބައި ހާސިލުވެއްޖެ
5 މިލިއަން ގަސް އިންދުމުގެ މަޝްރޫޢު: އަމާޒުގެ ގާތްގަނޑަކަށް ދެބައިކުޅައެއްބައި ހާސިލުވެއްޖެ
މި މަޝްރޫޢާ ގުޅޭގޮތުން އާންމުކޮށްފައިވާ އެންމެ ފަހުގެ ހިސާބުތައް ދައްކާގޮތުން، ރާއްޖޭގެ އެކި ކަންކޮޅުތަކުގައި މިހާތަނަށް ޖުމްލަ 2،463،339 )ދެ މިލިއަން ހަތަރު ލައްކަ ފަސްދޮޅަސް ތިން ހާސް ތިންސަތޭކަ އޮނަތިރީސް( ގަސް ވަނީ އިންދާފައެވެ. މިއީ ސަރުކާރުން އަމާޒު ހިފާފައިވާ 5 މިލިއަން ގަހުގެ ނިސްބަތުން ބަލާއިރު 49.3 އިންސައްތައެވެ.
ޚަބަރު 23 Oct 2026
ޕާކިސްތާނުގެ އިންޓަރނޭޝަނަލް އިސްލާމިކް ޔުނިވަރސިޓީ އިސްލާމްއާބާދުން ރައީސް ޑރ. މުޢިއްޒަށް ޝަރަފުވެރި ޑޮކްޓަރޭޓް އެރުވުން
ޕާކިސްތާނުގެ އިންޓަރނޭޝަނަލް އިސްލާމިކް ޔުނިވަރސިޓީ އިސްލާމްއާބާދުން ރައީސް ޑރ. މުޢިއްޒަށް ޝަރަފުވެރި ޑޮކްޓަރޭޓް އެރުވުން
މި ޝަރަފު ރައީސް ޑރ. މުޢިއްޒަށް އަރުވާފައިވަނީ ރައީސުލްޖުމްހޫރިއްޔާއާއި ޕާކިސްތާނުގެ ބޮޑުވަޒީރު ޝެހްބާޒް ޝަރީފާ ދެމެދު ބޭއްވެވި ރަސްމީ މަޝްވަރާތަކަށްފަހު، ދެ ޤައުމުގެ ވެރިން މީޑިއާއަށް ބަޔާން ދެއްވުމަށް ބޭއްވި ރަސްމިއްޔާތުގައެވެ. މި ޚާއްޞަ ރަސްމިއްޔާތު ޝަރަފުވެރިކޮށްދެއްވީ ބޮޑުވަޒީރު ޝެހްބާޒް ޝަރީފެވެ.
ޚަބަރު 21 Oct 2026