މިނިސްޓަރ އޮފް ހަޔަރ އެޑިޔުކޭޝަން ޑރ.މަރްޔަމް މާރިޔާ ވިލާ ކޮލެޖަށް ޒިޔާރަތްކުރައްވައިފި

މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް، ޑރ. މަރްޔަމް މާރިޔާ ވަނީ ވިލާ ކޮލެޖުގެ ދަޢުވަތަކަށް އެ ކޮލަޖަށް ޒިޔާރަތްކުރައްވައިފިއެވެ.

މި ޒިޔާރަތް ކުރެއްވުމުގައި މިނިސްޓަރ ވަނީ އެ ކޮލެޖުގެ ބައެއް އިސް ބޭފުޅުންނާއި ބައްދަލުކުރައްވާފައެވެ.

މި ބައްދަލުވުމަކީ މަތީ ތަޢުލީމު ކުރިއެރުވުމާއި ޒުވާނުންގެ ހުނަރު ތަރައްޤީކުރުމައްޓަކައި، ވިލާ ކޮލެޖާއި މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓުން ގުޅިގެން ކުރެވިދާނެ މަސައްކަތްތަކާއި ގުޅޭ ގޮތުން މަޝްވަރާކުރެއްވުމަށް ބޭއްވުނު ބައްދަލުވުމެކެވެ.

މި ޒިޔާރާތުގައި، ވިލާ ކޮލެޖުން ވަނީ މިނިސްޓަރ ޑރ. މަރްޔަމް މާރިޔާއަށް ހޫނު މަރުޙަބާއެއް ކިޔައިފައެވެ. އަދި އެ ކޮލެޖުގެ ހޯލް، ކްލާސް ރޫމް، ސައިކޮލޮޖީ ލެބް، ނާސިންގ އެންޑް ފާމަސީ ލެބް، ލައުންޖް އަދި ލައިބްރަރީ ފަދަ އެކި އެކި ތަންތަން އެކަމަނާއަށް ދައްކާލުމުގެ އިތުރުން ކޮލެޖާއި ގުޅޭ އިތުރު މަޢުލުމާތު ވަނީ ޙިއްސާކޮއްފައެވެ.

މި މަހުގެ 4 ވީ އާދިއްތަ ދުވަހު ވިލާ ކޮލެޖުގެ ބޯޑު ރޫމުގައި ބޭއްވުނު މި ބައްދަލުވުމުގައި، މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްގެ ފަރާތުން މިނިސްޓަރ ޑރ. މަރްޔަމް މާރިޔާގެ އިތުރުން އެ ވުޒާރާގެ އެހެނިހެން މުވައްޒަފުން ވަނީ ބައިވެރިވެވަޑައިގަންނަވައިފައެވެ. އަދި ވިލާ ކޮލެޖުގެ ފަރާތުން ބައިވެރިވި ބޭފުޅުންގެ ތެރޭގައި ކޮލެޖުގެ ރެކްޓަރ، ވައިސް ރެކްޓަރ އަދި އެ ކޮލިޖުގެ އެހެނިހެން އިސް ބޭފުޅުން ހިމެނެއެވެ.