ޖަޕާނު ސަފީރު އިހުތިރާމްގެ ޒިޔާރަތެއް މިނިސްޓަރ ތާރިގު އަރިހަށް ކުރައްވައިފި
ދިވެހިރާއްޖެއަށް ކަނޑައަޅުއްވާފައި ހުންނަވާ ޖަޕާނުގެ ސަފީރު ތަކެއުޗި މިދޯރ މިނިސްޓަރ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް އެނާރޖީ އޮނަރަބަލް ޠާރިޤް އިބްރާހީމް އަރިހަށް އިހުތިރާމްގެ ޒިޔާރަތެއް ކުރައްވައިފިއެވެ.
މި ބައްދަލުވުމުގައި ދެ ފަރާތުން މަޝްވަރާކުރެއްވި މައިގަނޑު މައުޟޫއަކީ ޖަޕާނު ސަރުކާރުގެ އެހީގައި ކުރިއަށްދާ އަދި ކުރިއަށް ގެންދިއުމަށް ރޭވިފައިވާ މަޝްރޫޢުތަކެވެ. މީގެ ތެރޭގައި ތިމާވެށި ރައްކާތެރިކުރުމާއި މޫސުމަށް އަންނަ ބަދަލުތަކާ ގުޅޭ މަޝްރޫޢުތައް ހިމެނޭކަމަށް ވަނީ ފާހަގަކުރެވިފައެވެ.
މިނިސްޓަރ ތާރިޤް އިބްރާހީމް ވިދާޅުވީ، ޖަޕާނަކީ ދިވެހިރާއްޖޭގެ ވަރަށް ގާތް އެކުވެރި ޤައުމެއް. އަޅުގަނޑުމެންގެ ތަރައްޤީގެ މަސައްކަތްތަކުގައި ޖަޕާނުގެ އެހީތެރިކަން ވަރަށް ބޮޑަށް ލިބެމުންދޭ. މި ބައްދަލުވުމުގައި ކުރިއަށް އޮތް ތަނުގައި ދެ ޤައުމުގެ ގުޅުން އިތުރަށް ބަދަހިކުރުމާ ބެހޭގޮތުން ވެސް މަޝްވަރާކުރެވުނު.
ޖަޕާނުގެ ސަފީރު ތަކެއުޗި މިދޯރި ވިދާޅުވީ، ދިވެހިރާއްޖެއާއި ޖަޕާނާ ދެމެދު އޮތް ގުޅުމަކީ ވަރަށް ވަރުގަދަ ގުޅުމެއް. ޚާއްޞަކޮށް ތިމާވެށި ރައްކާތެރިކުރުމުގެ ދާއިރާގައި އަޅުގަނޑުމެން ގުޅިގެން މަސައްކަތްކުރަމުން މިދަނީ. ކުރިއަށް އޮތް ތަނުގައި ވެސް މި ގުޅުން އިތުރަށް ހަރުދަނާކުރުމަށް މަސައްކަތްކުރާނަން.
މި ބައްދަލުވުމުގައި ދެ ފަރާތުން ވަނީ ކުރިއަށް އޮތް ތަނުގައި އިތުރު މަޝްރޫޢުތަކެއް ހިންގުމާ ބެހޭގޮތުން ވެސް މަޝްވަރާކުރައްވާފައެވެ. އަދި ދެ ޤައުމުގެ ދެމެދުގައި އޮތް ގުޅުން އިތުރަށް ބަދަހިކުރުމަށް މަސައްކަތްކުރުމަށް އެއްބަސްވެވަޑައިގެންފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
