އިމާރާތްކުރުމުގެ ޤަވައިދަށް ހޭލުންތެރިކުރުވުމުގެ ސެޝަންތަކެއް މިމަހުގެ 19 ވަނަ ދުވަހު ފަށަނީ
އިމާރާތްކުރުމާއި ބިނާރާއާ ބެހޭ ވުޒާރާގެ ފަރާތުން މި މަހުގެ 19 ވަނަ ދުވަހު އޮންލައިންކޮށް ރެޖިސްޓަރވުމަށް ހުޅުވާލައިގެން އިމާރާތްކުރުމުގެ ޤާނޫނާއި ޤަވައިދާ ގުޅޭގޮތުން ހޭލުންތެރިކަމުގެ ސެޝަންތަކެއް ފެށުމަށް ވަނީ ހަމަޖެހިފައެވެ.
ހޯމަދުވަހުގެ ހެނދުނު 09:00 ގައި ފެށުމަށް ހަމަޖެހިފައިވާ ފުރަތަމަ ސެޝަންގައި އިމާރާތްކުރުމުގެ ޤާނޫނުގެ މައިގަނޑު ކަންތައްތަކާއި، އެ ޤާނޫނުގެ ދަށުން ހަދާފައިވާ ޤަވައިދުތަކާ ބެހޭގޮތުން މަޢުލޫމާތު ދިނުމަށް ވަނީ ރޭވިފައެވެ. މީގެ އިތުރުން، އިމާރާތްކުރުމުގެ ދާއިރާގައި މަސައްކަތްކުރާ ފަރާތްތަކަށް މި ޤާނޫނާއި ޤަވައިދުތަކުގެ ދަށުން ލިބިދޭ ޙައްޤުތަކާއި އުފުލަންޖެހޭ ޒިންމާތަކާ ބެހޭގޮތުންވެސް މަޢުލޫމާތު ދެވޭނެއެވެ.
މި ސެޝަން ބޭއްވުމުގެ މައިގަނޑު މަޤްޞަދަކީ އިމާރާތްކުރުމުގެ ޤާނޫނާއި ޤަވައިދުތަކާ ބެހޭގޮތުން ހޭލުންތެރިކަން އިތުރުކޮށް އިމާރާތްކުރުމުގެ މަސައްކަތްތައް ކުރިއަށްދަނީ ޤާނޫނާއި ޤަވައިދާ އެއްގޮތަށްތޯ ދެނެގަތުމަށް މަގުފަހިވެގެންދިއުން ކަމަށް އިމާރާތްކުރުމާއި ބެހޭ ވުޒާރާއިން އުންމީދުކުރެއެވެ. އަދި ސެޕްޓެންބަރު މަހުގެ ނިޔަލަށް އެކި މައުލޫތަކަށް ޚާއްސަކޮށްގެން މިސެޝަންތަށް ކުރިއަށްދާނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
