ކުޑަކުދިންނަށް ކުރާ އަނިޔާގެ ގިނަ މައްސަލަތަކެއް!

މި އަހަރުގެ ފުރަތަމަ ހަ މަހުގައި 1341 މައްސަލަ އިޖުތިމާއީ އަދި އާއިލީ ތަރައްގީއާ ބެހޭ ވުޒާރާއަށް ހުށަހަޅާފައިވާ ކަމަށް އެ ވުޒާރާއިން ވިދާޅުވެއްޖެއެވެ.

ވޭތުވެދިޔަ 6 މަހު އިޖްތިމާއީ ވުޒާރާއަށް 134 މައްސަލަ ހުށަހަޅާފައިވާއިރު އޭގެ ތެރޭގައި ގިނަ މައްސަލަތަކަކީ ކުޑަކުދިންށް ކުރާ އަނިޔާގެ މައްސަލަތަކެވެ. 

އެ ވުޒާރާއިން ވިދާޅުވީ، މި އަހަރުގެ ޖެނުއަރީ މަހުން ފެށިގެން ޖޫން މަހުގެ ނިޔަލަށް 1341 މައްސަލައެއް ރިޕޯޓްކޮށްފައިވާ ކަމަށެވެ. އޭގެ ތެރެއިން އެންމެ ގިނައީ ކުޑަކުދިންނަށް ކުރާ އެކި ބާވަތުގެ އަނިޔާއެވެ. ކުޑަކުދިންނަށް ކުރާ އަނިޔާގެ 589 މައްސަލައެއް ރިޕޯޓްކޮށްފައިވާ ކަމަށް ތަފާސްހިސާބުތަކުން ދައްކައެވެ.

ކުޑަކުދިންނަށް ކުރާ އަނިޔާތަކުގެ ތެރެއިން ވެސް އެންމެ ގިނައީ ގެވެށި އަނިޔާގެ އަމަލެއް ކުއްޖަކަށް ދެއްކުން ނުވަތަ ފެނުމުގެ މައްސަލަ ކަމަށް އެ ވުޒާރާއިން ވިދާޅިވެފައިވެއެވެ. އެ ބާވަތުގެ 125 މައްސަލައެއް ރިޕޯޓްކޯށްފައިވެއެވެ.

އެ ވުޒާރާއިން ވިދާޅުވީ ކުޑަކުދިންގެ އަހްލާގާއި ގުޅުން ހުރި 108 މައްސަލައެއް ޖަނަވަރީ މަހުން ޖޫން މަހުގެ ނިޔަލަށް ވަނީ ހުށަހަޅާފައި ކަމަށެވެ. އެގޮތުން ސްކޫލަށް ދާން ބޭނުން ނުވުމުގެ 20 މައްސަލަ، ރުޅި އިސްކުރުމާއި ރުޅިގަދަވެގެން އުޅުމުގެ 24 މައްސަލަ، އަދި ގެއިން ނިކުމެގެން ދިއުމުގެ 23 މައްސަލަ، އަދި އެނޫން ވެސް އެހެން ބާވަތްތަކުގެ 41 މައްސަލަ ރިޕޯޓްކުރެވިފައިވެއެވެ