މިނިސްޓަރ އުނގޫފާރު އިސްލާމިކް ސެންޓަރުގެ އިސްވެރިންނާއި ބައްދަލުކުރައްވައިފި
އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު، ރ. އުނގޫފާރު އިސްލާމީ މަރުކަޒުގެ އިސް ބޭފުޅުންނާއި ބައްދަލު ކުރައްވައިފިއެވެ.
ހޯމަ ދުވަހު އިސްލާމީ ކަންތައްތަކާ ބެހޭ ވުޒާރާގައި ކުރިއަށްދިޔަ މި ބައްދަލުކުރެއްވުމުގައި ވަޒީރު ވަނީ އުނގޫފާރު އިސްލާމީ މަރުކަޒުގެ ކަންކަން ކުރިއަށްދާ ގޮތް ސާފުކުރައްވާ އެ ފަރާތަށް ދިމާވަމުންދާ ދަތިތައް ބައްލަވާލައްވާފައެވެ.
މި ބައްދަލުކުރެއްވުމުގައި އިސްލާމީ ކަންތައްތަކާ ބެހޭ ވުޒާރާގެ އިސް ބޭފުޅުން ވަނީ ބައިވެރިވެލައްވާފައެވެ.
ރަށްރަށުގައި ޤާއިމްކޮށްފައިވާ އިސްލާމީ މަރުކަޒުތަކުގެ ބޭނުން ހެޔޮ ގޮތުގައި ހިފުމަށް އިސްލާމީ މަރުކަޒުތަކުގައި އިސްލާމިކް ޔުނިވާސިޓީގެ ކޯސްތައް ހިންގުމަށް ހަވާލުކުރުމަށް ނިންމަވާ އުނގޫފާރު އިސްލާމީ މަރުކަޒުވެސް ވަނީ އައިޔޫއެމްއާއި ހަވާލުކުރައްވާފައެވެ. އައިޔޫއެމްގެ ކޯސްތައް މިހާރު އުނގޫފާރު އިސްލާމީ މަރުކަޒުގައި ފެށިގެން ކުރިއަށްދާކަން ފާހަގަކޮށްލެވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
