އައްޑޫ ސިޓީ ކައުންސިލާއި ވަޒީރު ބައްދަލުކޮރައްވައިފި
ވަޒީރު އާދަމް ޝަރީފް އުމަރު އައްޑޫ ސިޓީ ކައުންސިލާއި ބައްދަލުކުރައްވައިފި އެވެ.
މިބައްދަލުވުމުގައި އައްޑޫ ސިޓީ ކައުންސިލުގެ ފަރާތުން ބައިވެރިވެވަޑައިގެންނެވީ އައްޑޫ ސިޓީ ހިތަދޫ ކައުންސިލަރ އަހްމަދު ސައީދު އާއި ކައުންސިލަރ ހުސައިން ޒަރީރު އެވެ. ވުޒާރާގެ ފަރާތުން ވަޒީރު އާދަމް ޝަރީފް އުމަރުގެ އަރިހުގައި ބައިވެރިވެވަޑައިގެންނެވީ އައްޑޫ ކްލަސްޓާ ވިލަރެސް ކުރައްވާ ސްޓޭޓް މިނިސްޓަރ އަލްއުސްތާޛު މޫސާ ފަތުހީ އާދަމް އާއި ސީނިއަރ ޕޮލިޓިކަލް ޑިރެކްޓަރ އަހްމަދު އައްސަދު އެވެ.
އައްޑޫގެ އެންމެ އާބާދި ބޮޑު އަވަށަކީ ހިތަދޫއަށް ވާއިރު އަވަށު އޮފީހެއް ނެތުމުގެ ސަބަބުން ދަތިތަކެއް ހުރިކަން ކައުންސިލަރުން ވަނީ ފާހަގަކުރައްވާފަ އެވެ. މިމައްސަލަ އާއި ގުޅޭގޮތުން ވާހަކަފުޅު ދައްކަވަމުން ވަޒީރު ވިދާޅުވީ މިވަގުތު އެންމެ އިސްކަމެއް ދެވިފައި އޮތީ ކައުންސިލު އިމާރާތުގެ މަސައްކަތައް ކަމަށެވެ. މީގެ އިތުރުން އައްޑޫ ސްޓޭޓް ހައުސްގެ ހާލަތު ރަނގަޅު ކުރުމަށް މަސައްކަތް ކުރައްވަމުން އަންނަކަން މިނިސްޓަރ ވަނީ ފާހަގަކުރައްވާފަ އެވެ.
މީހާރު ވުޒާރާއިން އިއުލާން ކޮށްފައިވާ ކައުންސިލު އިމާރާތް ކުރުމުގެ މަޝްރުއޫގެ އިތުރުން އަވަށު އޮފީސްތަކުގެ ވަކި މަޝްރުއޫއެއް ފަށަން މުހިންމު ކަމުގައި ވަޒީރު ވަނީ ވިދާޅުވެފަ އެވެ. ހިތަދޫ އަވަށު އޮފީހުގެ މަސައްކަތް ކައުންސިލުގެ ބަޖެޓުގައި ހިމަނައިގެން ކުރިއަށް ގެންދެވެން އޮތްތޯ ބެލުން ބުއްދިވެރިކަމުގައި ވަޒީރު ފާހަގަ ކުރެއްވި އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
