ރާއްޖޭގައި މީހުން ދިރިއުޅޭ ކޮންމެ ރަށެއްގައި ކީރިތި ޤުރުއާނާ ބެހޭ މަރުކަޒުގެ ގޮތްޕެއް ޤާއިމްކުރުމަށް ވާނީ ފަށާފައި: ރައީސް މުޢިއްޒު
ރާއްޖޭގައި މީހުން ދިރިއުޅޭ ކޮންމެ ރަށެއްގައި ކީރިތި ޤުރުޢާނާ ބެހޭ މަރުކަޒުގެ ގޮތްޕެއް ޤާއިމްކުރުމަކީ މި ސަރުކާރުން ފަށާފައިވާ ބިޔަ މަޝްރޫއެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ހަފްތާ 104 ފާހަގަކުރުމުގެ ރަސްމިއްޔާތުގައި ވާހަކަފުޅުދައްކަވަމުން އެމަނިކުފާނު ފާހަގަކުރެއްވީ ކީރިތި ޤުރުޢާނަކީ އަޅުގަނޑުމެން މުސްލިމުން އެންމެ އިސްކަންދޭންޖެހޭ ކަންތައް ކަމަށެވެ. އެގޮތުން ކޮންމެ ރަށެއްގައި ކުރިޔަށް އޮތް ތިން އަހަރަށް ބަހާލައިގެން، ރަށުގެ ކުޑަބޮޑުމިނުގެ ނިސްބަތުން ޤުރުޢާނާ ބެހޭ މަރުކަޒުތައް ޤާއިމްކުރެވެމުން ދާނެކަމަށް ވިދާޅުވިއެވެ.
މީގެ އިތުރަށް އެމަނިކުފާނު ވިދާޅުވީ، މިއީ މުޖުތަމަޢު ބިނާކުރުމަށްޓަކައި ދީނީ ރޮނގުން ކުރަން ހުރި ކަންކަމުގެ ތެރޭގައި ކުރެވޭ މަސައްކަތެއްކަމަށެވެ. މިކަން ފާހަގަކުރައްވާ އެމަނިކުފާނު ވިދާޅުވީ މިއަދުވެސް މިފަދަ އެގްރީމެންޓެއްގައި ސޮއިކޮށްފައިވާކަމަށެވެ.
ރާއްޖޭގެ ކޮންމެ ކަންކޮޅެއްގައި ބިނާކުރާ މި އިމާރާތްތަކުން ލިބޭ ފައިދާ ބޭނުންކުރާނީ ދީނީކަންކަމަށާއި އިޖްތިމާއީ ގޮތުން ވެސް ބޭނުންތެރި ކަންކަމަށް އެކަން އޮންނަ އުސޫލުގެ ތެރެއިން ޤައުމަށް ފައިދާވާގޮތަށް ހަރަދުކުރެވިގެންދާނެ ކަމަށް ރައީސް ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
