ހުޅުމާލެއިން އިތުރު 11 ބިމެއް ބީލަމުގެ އުސޫލުން ވިއްކަނި

ހުޅުމާލެ ބީޗް ސައިޑުން އިތުރު 11 ބިން ބިލަމުގެ އުސޫލުން ވިއްކުމަށް ހަމަޖެހިފައިވާ ކަމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ވިދާޅުވެއްޖެއެވެ. 

މިދިޔަ މެއި މަހުގެ 9 ވަނަ ދުވަހު އެޗްޑީސީން ކުރި އިއުލާނެއްގައި ބުނީ ހުޅުމާލެއިން 13 ބިން ބިލަމުގެ އުސޫލުން ވިއްކަން ހަމަޖެހިފައިވާ ކަމަަަށެވެ. އަދި އޭގެ ފަހުން އެކުންފުނިން ނެރުނު އިސްލާހެއްގައި ބުނެފައިވަނީ އެ 13 ބިމުގެ އިތުރުން، އިތުރު 11 ބިމެއް ބީލަމުގެ އުސޫލުން ވިއްކަން ނިންމާފައިވާ ކަމަށެވެ. 

އެކުންފުނިން ކުރި އިއުލާނުގައި ބުނެފައިވަނީ ބީލަމުގެ އުށުލުން ވިއްކަން ހަމަޖެހިފައިވާ ބިންތައް ވިއްކަން ހަމަޖެހިފައިވަނީ ހުލުމާލެ ބީޗް ސައިޑުން ކަމަށެވެ. އަދި އިއުލާން ކުރި 13 ބިމުގެ އިތުރުން 11 ބިން އިރުރަށް ވިއްކަން ހަމަޖެހިފައިވާ ކަމަށްވެސް އެޗްޑީސީއިން ނެރުނު އިސްލާހުގައި ބުނެފައިވެއެވެ.

އެޗްޑީސީއިން ވިއްކުމަށް ހަމަޖެހިފައިވަ ބިން ތަކުގައި އެންމެ ކުޑަ ވެގެން ވިއްކަނީ 1،230.11 އަކަފޫޓެވެ. އަދި އެންމެ މަތިވެގެން ވިއްކަނީ 1584.11 އަކަފޫޓު ބިމެވެ. އަދި ބީލަން ފެށޭ އަގަކީ ބީޗް ފްރަންޓްގެ ބިންތަކަށް އަކަފޫޓަކަށް 4،500 ރުފިޔާ ކަމަށެވެ. އަދި ބީޗް ސައިޑްގެ ބިންތަކަށް އަކަފޫޓަކަށް 4،000 ރުފިޔާ ކަމަށެވެ.

ބިލަމަށް ހުޅުވާލައިފައިވާ ބިންތަކަށް ބިލަން ހުށަހެޅުމުގެ ޝަރުތުތަކުގެ ތެރޭގައި 18 އަހަރު ފުރިފައިވާ ދިވެއްސަކަށްވުމާއި ރާއްޖޭގައި ރަޖިސްޓްރީކޮށްފައިވާ 100 އިންސައްތަ ދިވެހިންގެ ހިއްސާ އޮންނަ ކުންފުންޏަކަށްވުން ހިމެނެއެވެ. 

އެގޮތުން ޝަރުތު ހަމަވާ ފަރާތްތަކުން އެޗްޑީސީގެ ސައިޓް މެދުވެރިކޮށް ބިޑް ހުށަހެޅުމަށް އެ ކުންފުނިން އެދިފައިވެއެވެ.