ދައުލަތުގެ ފައިސާއަށް ނުވަތަ މުދަލަށް އެއްވެސް ބަޔަކު ހިޔާނާތްތެރިވެފައި ވާނަމަ އެމައްސަލަ ބަލާނަން - އިހުސާން
ދައުލަތުގެ ފައިސާއަށް ނުވަތަ މުދަލަށް އެއްވެސް ސަރުކާރަކުން ހިޔާނާތްތެރިވެފައި ވާނަމަ އެމައްސަލަ ބަލާނަނަންކަމަށް ދާޚިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިހުސާން ވިދާޅުވެއްޖެއެވެ.
ފުލުހުންނާއި ދާޚިލީ ސަލާމަތާއި ފަންނިއްޔާތާ ބެހޭ ވަޒާރާއި ގުޅިގެން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން އިހުސާން ވިދާލުވީ ދައުލަތުގެ އެއްވެސް އެސެޓަކަށް ނުވަތަ މުދަލާއި ފައިސާއަށް އެއްވެސް ސަރުކާރަކުން ނުވަތަ އެއްވެސް ފަރާތަކުން ޣައްދާރުވެފައިވާނަމަ އެ މައްސަލަ ބަލާނެ ކަމަށެވެ. އަދި އެކަންކަމުގައި ވަކި ބަޔަކު އިސްތިސްނާ ނުކުރާން ކަމަށް އިހުސާން ވިދާޅުވިއެވެ.
މީގެ އިތުރުން އިހުސާން ވިދާޅުވީ ކުރީސަރުކާރުވިޔަސް އަދި އެހެން ސަރުކާރަކުން ކުރި ކަމުގައިވިޔަސް ޢައްދާރުވެފައިވާނަމަ އެމައްސަލަ ބަލާނެކަމަށާއި އަދި ވަކި ބަޔަކަށް ޓާގެޓް ކޮށްގެން މަސައްކަތް ނުކުރާނެކަމަށް އިހުސާން ވިދާޅުވިއެވެ. އިހުސާން މިހެން ވިދާޅުވެފައިވަނީ ނޫސްވެރިޔަކު ކުރި ސުވާލަކަށް ޖަވާބު ދއްވަމުންނެވެ.
މިހާރުވެސް އެކި އެކި މައްސަލަތަށް ބަލަމުން ގެންދާކަމަށް ފާހަގަކުރައްވާ އިހުސާން ވިދާޅުވީ އެންޓި ކޮރަޕްޝަން ކޮމިޝަން (އޭސީސީ)އާ ގުޅިގެން ކުރިއަށް އޮތްތަނުގައިވެސް އެމަސައްކަތް ހުއްޓުމެއް ނެތި ކުރިއަށް ގެންދާނެ ކަމަށާއި ފުލުހުންވެސް އެއްބާރުލުން ދެއްވާނެކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
