މޭ މަހު 143 މައްސަލައެއް ބަލައިގަނެ، 263 ދައުވާއެއް ކޯޓަށް ހުށަހަޅައިފި
ޕްރޮސިކިއުޓަރ ޖެނެރަލްގެ އޮފީހުން 2026 ވަނަ އަހަރުގެ މޭ މަހުގެ ތަފާސްހިސާބުތައް އާންމުކޮށްފިއެވެ. މި ތަފާސްހިސާބުތަކުން ދައްކާގޮތުގައި ވޭތުވެދިޔަ މޭ މަހުގެ ތެރޭގައި އެ އޮފީހުން ވަނީ ގިނަ މަސައްކަތްތަކެއް ކޮށްފައެވެ.
ޕީޖީ އޮފީހުން ހާމަކުރި ގޮތުގައި، ނިމިދިޔަ މޭ މަހުގެ ތެރޭގައި ތަހުގީގީ އިދާރާތަކުން ފޮނުވި މައްސަލަތަކުގެ ތެރެއިން 143 މައްސަލައެއް އެ އޮފީހުން ވަނީ ބަލައިގަނެފައެވެ. އަދި މައްސަލަތައް ތަހުގީގު ކުރުމުގެ މަރުހަލާގައި ތަހުގީގީ އިދާރާތަކަށް ގާނޫނީ ލަފާދިނުމުގެ ގޮތުން 447 "ޑިއުޓީ ޕްރޮސިކިއުޝަން" ކުރިއަށް ގެންގޮސްފައިވާކަން އެ އޮފީހުން ފާހަގަކުރެއެވެ.
ކޯޓުތަކަށް މައްސަލަ ހުށަހެޅުމުގެ މަސައްކަތްތަކަށް ބަލާއިރު، އެކި ބާވަތުގެ ކުށްކުށުގައި ޖުމްލަ 263 ދައުވާއެއް މިދިޔަ މަހު ކޯޓުތަކަށް ހުށަހަޅާފައިވެއެވެ. މީގެ އިތުރުން، ކޯޓުތަކުގައި ކުރިއަށްދާ ޝަރީއަތްތަކާ ގުޅިގެން ޕީޖީ އޮފީހުގެ ވަކީލުން ވަނީ ޖުމްލަ 1150 އަޑުއެހުމަކަށް ހާޒިރުވެފައެވެ.
ޕްރޮސިކިއުޓަރ ޖެނެރަލްގެ އޮފީހުން ކޮންމެ މަހަކުވެސް އެ އޮފީހުން ކުރާ މަސައްކަތްތަކުގެ ތަފާސްހިސާބުތައް އާންމުކުރަނީ، ޖިނާއީ އަދުލުގެ ނިޒާމުގެ ތެރެއިން އެ އޮފީހުން ކުރާ މަސައްކަތްތައް ހާމަކަން ބޮޑު ގޮތެއްގައި ރައްޔިތުންނަށް އަންގައިދިނުމުގެ މަގްސަދުގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
