ޔޫރޯ 2028 އޮންނާނީ ކޮން ގައުމެއްގައި؟
ފޯރިގަދަ މެޗުތަކަކަށް ފަހު ޔޫރޯ 2024 ނިމިގެން ދިޔައީ އިނގިރޭސިންނަށް ހިތްދަތިކަން ގެނެސްދޭފައެވެ. ދެ ފައިނަލުގައި ކުޅެ ބަލިވި އިނގިރޭސިންނަށް ލިބުނު ހަމައެކަނި ހިތް ހަމަ ޖެހުމަކީ ޔޫރޯ 2028 ކޯ ހޮސްޓެއްގެ ގޮތުން އެގައުމުގައި ބޭއްވުމެވެ.
ޔޫރޯ 2028 އޮންނާނީ އިނގިރޭސި ވިލާތާއި އަޔަރލޭނޑުގައެވެ. މި މުބާރާތް މިހާރު ފެށުމަށް ތާވަލު ކޮއްފައިވަނީ 2028 ވަނަ އަހަރުގެ ޖޫން 9 އިން ޖުލައި 9 އަކަށެވެ. ނަވަމެސް މި ތާރީޚް ބަދަލުވުމަކީ އެކަށީގެންވާކަމެކެވެ. 2028 އަށް އިނގިރޭސި ވިލާތް މިހާރުވެސް ތައްޔާރުވާން ފަށާފައިވާއިރު ކުރަން ޖެހޭ މަސައްކަތް ނުހަނު ގިނައެވެ. އެގޮތުން ގިނަ ދަނޑުތަކެއް މަރާމާތު ކުރަން މިހާރުވެސް ވަނީ ޝެޑިއުލް ކުރެވިފައެވެ.
އެހެން ޔޫރޯ ތަކާއި ހިލާފަށް 2028 ވަނައަހަރުގެ ޔޫރޯ މުބާރާތުގެ ކޮލިފިކޭޝަންއަށް ބަދަލު ތަކެއް އަތުވެދާނެ ކަމުގެ އިޝާރާތެއް ޔޫއެފާއިން ވަނީ ދީފައެވެ. އެގޮތުން ގިނަ ކޮލިފައިން ގްރޫޕްތަކެއް އެކުލަވާލާ ކޮންމެ ގްރޫޕެއްގައި ތިބޭ ޓީމު މަދުކުރުމުވެ ވިސްނުމެއް ޔޫއެފާއިން ގެންގުޅެއެވެ. މި ގްރޫޕުތަކުން އެއްވަނައަށް ދާ ޓީމު ކޮލިފައިންވެ ދެވަނައަށް ދާ ބައެއް ޓީމު ކޮލިފައިވުމުގެ އިތުރުން ބާކީ ތިބި ޓީމު އިތުރު ކޮލިފައިން ބުރެއް ކުޅެން ޖެހުން ގާތެވެ.
ބައެއް ބަދަލު ފެނުނު ނަމަވެސް ޔޫރޯ 2028 އޮންނާނީ މި އަހަރުގެ ޔޫރޯ ކުޅުނު ފޯމެޓުގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
