ސިނަމާލެ ބްރިޖުމަތީގައި ދެ ސައިކަލު ޖެހި އެކްސިޑެންޓެއް ހިނގައި މީހަކަށް އަނިޔާވެއްޖެ
ސިނަމާލެ ބްރިޖުމަތީގައި ދެ ސައިކަލު ޖެހި ނުރައްކާތެރި އެކްސިޑެންޓެއް ހިނގައި މީހަކަށް އަނިޔާވެއްޖެކަމަށް ދިވެހި ފުލުހުންގެ ޚިދުމަތުން ބުނެފިއެވެ.
މި ހާދިސާ ހިނގާފައިވަނީ ސިނަމާލެ ބްރިޖުގެ ހުޅުމާލެއިން މާލެއަށް ދަތުރުކުރާ ފަޅީގައެވެ. ފުލުހުންނަށް މި އެކްސިޑެންޓުގެ ރިޕޯޓު ލިބިފައިވަނީ ރޭ މެންދަމު 2:21 އެހައިކަންހާއިރުކަމަށް ވެސް މަޢުލޫމާތު ލިބެއެވެ.
ފުލުހުން ބުނީ މި އެކްސިޑެންޓް ހިނގަން މެދުވެރިވީ ބޯކޮށް ވާރޭވެހުމުގެ ސަބަބުން އިތުރަށް ދުއްވަން ދަތިވެގެން ބްރިޖުގެ އެއްފަރާތުގައި މަޑުކޮށްފައި ހުރި ސައިކަލެއްގައި، ފަހަތުން ބާރު ސްޕީޑުގައި އައި އެހެން ސައިކަލެއް ޖެހިގެން ކަމަށެވެ.
މި އެކްސިޑެންޓުގައި އަނިޔާވެފައިވަނީ ފަހަތުން އައިސް ޖެހުނު ސައިކަލު ދުއްވަން އިން 30 އަހަރުގެ ދިވެހި ފިރިހެނަކަށެވެ. އަނިޔާވި މީހާއަށް އައިޖީއެމް ހޮސްޕިޓަލުގައި ދަނީ ފަރުވާ ދެމުންނެވެ. ހޮސްޕިޓަލުން މައުލޫމާތު ދީފައިވާ ގޮތުގައި އެކްސިޑެންޓުގައި އޭނާގެ ފައިގެ ކަށިމަތި ވަނީ ވަރަށް ބޮޑަށް ފަޅައިގެން ގޮސްފައެވެ.
ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
