މާލޭގެ ބޮޑުތަކުރުފާނު މަގުން ދުއްވާފައި ދިޔަ ފުލުހުންގެ ކާރަކާއި ސައިކަލެއް ޖެހި ނުރައްކާތެރި އެކްސިޑެންޓެއް މިރޭ ހިނގައިފި
މާލޭގެ ބޮޑުތަކުރުފާނު މަގުން ދުއްވާފައި ދިޔަ ފުލުހުންގެ ކާރަކާއި ސައިކަލެއް ޖެހި ނުރައްކާތެރި އެކްސިޑެންޓެއް މިރޭ ހިނގައިފިއެވެ.
މި ހާދިސާ ހިނގާފައިވަނީ ބޮޑުތަކުރުފާނު މަގު، ޓޯ ޔާޑު ހުންނަ ސަރަހައްދުންނެވެ.
ދިވެހި ފުލުހުންގެ ޚިދުމަތުން ވިދާޅުވީ، މި އެކްސިޑެންޓް ހިނގި ކަމުގެ ރިޕޯޓު ލިބުމާއެކު ފުލުހުން އެ ސަރަހައްދުގައި ހަރަކާތްތެރިވާން ފަށާފައިވާ ކަމަށެވެ. މި ހާދިސާގައި ސައިކަލު ދުއްވަން އިން މީހާއަށް އެކިވަރުގެ އަނިޔާތައް ވެފައިވާތީ، އޭނާއަށް މިހާރު އަންނަނީ އައިޖީއެމް ހޮސްޕިޓަލުގައި ފަރުވާ ދެމުންނެވެ.
އެކްސިޑެންޓް ހިނގި ސަރަހައްދުން މައުލޫމާތު ލިބޭގޮތުގައި، ފުލުހުންގެ ކާރާއި ސައިކަލު ޖެހި ހިނގި މި ހާދިސާގައި ދެ އުޅަނދަށްވެސް ވަނީ އެކިވަރުގެ ގެއްލުންތައް ލިބިފައެވެ. އަނިޔާވި މީހާގެ ހާލަތާ ގުޅޭގޮތުން ހޮސްޕިޓަލުން އަދި ރަސްމީ ބަހެއް ބުނެފައެއް ނުވެއެވެ.
މި މައްސަލައާ ގުޅިގެން ބަލަންޖެހޭ އިތުރު ކަންކަން ބަލަމުންދާ ކަމަށްވެސް ފުލުހުން މައުލޫމާތު ދެއްވައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
