މާލެއާއި ހުޅުމާލެއިން އެއްކޮށް ކަރަންޓު ކެނޑިއްޖެ

މާލެ އަދި ހުޅުމާލޭގެ ހުރިހާ ސަރަހައްދަކުން ކަރަންޓުގެ ޚިދުމަތް މެދުކެނޑިއްޖެއެވެ.

ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން މައުލޫމާތު ދީފައިވާ ގޮތުގައި، މާލެއާއި ހުޅުމާލެއިން އެއްކޮށް ކަރަންޓު ކެނޑެން ދިމާވީ ދިމާވި ޓެކްނިކަލް މައްސަލައަކާ ގުޅިގެންނެވެ. ނަމަވެސް މި މައްސަލައިގެ އިތުރު ތަފްސީލެއް އެ ކުންފުނިން އަދި ހާމަކޮށްފައެއް ނުވެއެވެ.

ސްޓެލްކޯއިން ބުނީ ދިމާވި މައްސަލަ ދެނެގަނެ، އެކަން ހައްލުކޮށް އަލުން ކަރަންޓުގެ ޚިދުމަތް ދިނުމުގެ މަސައްކަތް މިހާރު ވަރަށް ބާރަށް ކުރިއަށްދާ ކަމަށެވެ. އަދި ވީ އެންމެ އަވަހަކަށް ހުރިހާ ސަރަހައްދަކަށް ކަރަންޓު ފޯރުކޮށްދިނުމަށް މަސައްކަތް ކުރަމުންދާ ކަމަށްވެސް އެ ކުންފުނިން ބުންޏެވެ.