ބިދޭސީންގެ ފީ ގަވާއިދުން ދައްކަމުން އަންނަ ކުންފުނިތަކުގެ ލިސްޓެއް ހާމަކޮށްފި

ބިދޭސީންގެ ފީ ގަވާއިދުން ދައްކަމުން އަންނަ ކުންފުނިތަކުގެ ލިސްޓެއް ދާޚިލީ ސަލާމަތާއި ފަންނިއްޔާތާ ބެހޭ ވުޒާރާއިން އާންމުކޮށްފިއެވެ.

މިނިސްޓްރީން ވަނީ ވަޒީފާ އަދާކުރާ ބިދޭސީންނާ ގުޅިގެން ދައްކަންޖެހޭ ފީތަކާއި ޖޫރިމަނާ އެއްލައްކައަށްވުރެ މައްޗަށް އަރާފައިވާ ފަރާތްތަކުގެ ލިސްޓެއް ޖުލައި މަހުގެ 24ވަނަ ދުވަހު އާންމުކޮށްފައެވެ. ނަމަވެސް އެ ލިސްޓުގައި ގަވާއިދުން ފީ ދައްކަމުންދާ ކުންފުނިތައްވެސް ހިމެނެއެވެ.

ބިދޭސީންގެ ފީ ނުދައްކާ ކަމަށް މިނިސްޓްރީން ނެރެފައިވާ ލިސްޓުގައި ރާއްޖޭގެ ބޮޑެތި ކުންފުނިތައްވެސް ހިމެނެއެވެ. ނަމަވެސް އެ ލިސްޓުގައި ހިމެނޭ 20 ކުންފުންޏަކުން ގަވާއިދުން ފީ ދައްކަމުންދާ ކަމަށް ވުޒާރާއިން ނެރުނު ބަޔާނެއްގައި ވަނީ ހާމަކޮށްފައެވެ.

ގަވާއިދުން ބިދޭސީންގެ ފީ ދައްކާ ކުންފުނިތައް:

- އެލިއާ ކޮންސްޓްރަކްޝަން

- އަންގިރި ރެސޯޓްސް މެނޭޖްމަންޓް އެންޑް އޮޕަރޭޝަންސް

- ބްރެނިއާ މޯލްޑިވްސް

- ޗިކާނޯ އިންވެސްޓްމަންޓް

- އީސްޓް ކޯސްޓް އިންވެސްޓްމަންޓް

- ގޭޖް ޕްރައިވެޓް ލިމިޓެޑް

- ހެވީ ފޯސް

- ހޮރައިޒަން ފިޝަރީޒް

- އިންޓަރނޭޝަނަލް ބެވަރެޖެސް ކޮމްޕެނީ

- މަހޯގަނީ

- ޕެސްޓް އެކްސް މޯލްޑިވްސް

- ޕްރެސްޓައިން އައިލެންޑްސް އިންވެސްޓްމަންޓް (މޯލްޑިވްސް)

- ރެޑް ވޭވް

- ރެނާޓަސް ޕްރޮޖެކްޓްސް

- ސީގަލް ގްރޫޕް

- އެސްކޭ މޯލްޑިވްސް

- ދަ ހޯކްސް

- ޔުނިވަރސަލް އެންޓަޕްރައިސަސް

- ވިލާ ހަކަތަ

- ވިލާ ޝިޕިން އެންޑް ޓްރޭޑިން ކޮމްޕެނީ

މިނިސްޓްރީން ވަނީ ފީ ނުދައްކާ ކުންފުނިތަކުގެ ލިސްޓުގައި މި ކުންފުނިތައް ހިމެނިފައިވަނީ އެވަގުތަށް ދައުލަތަށް ދައްކަން ޖެހޭ ފީގެ އަދަދު އެއް ލައްކަ ރުފިޔާއަށްވުރެ އިތުރުވުމުގެ ސަބަބުން ކަމަށް ބުނެފައެވެ.

ނަމަވެސް މި ކުންފުނިތަކަކީ އެކްސްޕެޓް ސިސްޓަމް މެދުވެރިކޮށް ފޯރުކޮށްދޭ ޚިދުމަތްތަކުގައި ފީތަކާ ގުޅިގެން ގަވާއިދުން ދައުލަތަށް ދައްކަންޖެހޭ ފީތައް ދައްކަމުންދާ ކުންފުނިތައް ކަމަށް ވުޒާރާއިން ހާމަކުރެއެވެ.