ލާމަރުކަޒީ ނިޒާމަށް ގެންނަ އިސްލާޙަށް ރައްޔިތުންގެ ޚިޔާލު ހޯދުމަށް ވާންޖެހޭ ތައްޔާރީތައް ވަނީ ފަށާފައި:ވަޒީރު

އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ނިޒާމަށް ސަރުކާރުން ގެންނަ ބަދަލުތަކަށް ރައްޔިތުންގެ ޚިޔާލާއި މަޝްވަރާ ފުޅާ ދާއިރާއެއްގައި ހޯއްދެއްވުމަށް ވާންޖެހޭ ތައްޔާރީތައް މިނިސްޓްރީން ފަށައިފައިވާ ކަމުގައި ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާއި ބެހޭ ވަޒީރު އާދަމް ޝަރީފު ޢުމަރު ވިދާޅުވެއްޖެއެވެ.

އެ މަނިކުފާނު މިހެން ވިދާޅުވީ މިނިސްޓްރީގެ ފަރާތުން މި ކަމުގައި ކުރަމުންދާ މަސައްކަތްތަކުގެ އަދާހަމަ ހަމަކުރެއްވުމަށް މިނިސްޓްރީގެ ފޭސްބުކް ޕޭޖްގައި އާންމުކުރެއްވި ވީޑިއޯއެއްގައެވެ. އިތުރަށް ވިދާޅުވީ ލާމަރުކަޒީ ނިޒާމު ހަރުދަނާކުރުމަށް ސަރުކާރުން ގެންނަން ނިންމާފައިވާ ބަދަލުތަކާއި ގުޅޭގޮތުން ޤައުމީ ޔުނިވަރސިޓީން މިހާރު ކުރިއަށް ގެންދަވައި ދިރާސާ ނިމުމަކަށް އައިސްފައި ވާކަމަށާއި އަދި އެ ދިރާސާ ނިމުމުން އެ ކަމާއި މެދު ރައްޔިތުންގެ ޚިޔާލު ހޯއްދެވުމަށް ވާންޖެހޭ ތައްޔާރީތައް ވުމުގެ މަސައްކަތް މިހާރު މިނިސްޓްރީން ފަށައިފައިވާ ކަމަށެވެ.

ރައްޔިތުންނާއި ހަމައަށް އެ ކަމާ ބެހޭ މަޝްވަރާތައް ފެށުމަށް ޓަކައި ވާންޖެހޭ ތައްޔާރީތައް އަޅުގަނޑުމެންގެ މިނިސްޓްރީން މި ވަނީ ފަށައިފައި އަޅުގަނޑުމެންގެ އަމާޒަކީ ލާމަރުކަޒީ މުޅި ނިޒާމަށް ގެންނަންޖެހޭ ބަދަލުތައް އަދި ޚާއްޞަ ގޮތެއްގައި ލާމަރުކަޒީ ޤާނޫނަށް ގެންނަން ޖެހޭ ބަދަލުތައް ދެނެގަނެ އެ ކަމުގައި ރައްޔިތުންނަށް ފެންނަ ފުރިހަމަ ޚިޔާލުތައް ފުޅާދާއިރާއެއްގައި ހޯދުމުގެ މަސައްކަތްކުރުން މިނިސްޓަރ އާދަމް ޝަރީފު ވިދާޅުވިއެވެ.

މިނިސްޓަރ ވިދާޅުވީ ދިރާސާ ނިމޭ ހަފުތާ ތެރޭގައި ރައްޔިތުންގެ ޚިޔާލު ހޯދުމުގެ މަސައްކަތް ފެށިގެން ކުރިއަށް ގެންދަވާނެ ކަމުގައެވެ.