ހަޔަރ އެޑިއުކޭޝަން މިނިސްޓަރ ޑރ. މަރްޔަމް މާރިޔާ ރަސްމީ ދަތުރުފުޅެއްގައި ލ. އަތޮޅަށް

މިނިސްޓްރީ އޮފް ހަޔަރ އެޑިއުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްގެ މަސައްކަތްތަކާއި ގުޅިގެން، މިނިސްޓަރ ޑރ. މަރްޔަމް މާރިޔާ އާއި މިނިސްޓްރީގެ ބައެއް އިސް ބޭފުޅުން ވަނީ ލ.އަތޮޅަށް ވަޑައިގަންނަވައިފައެވެ.

މި ޖުލައި މަހުގެ 23 ވަނަ ދުވަހުން 25 ވަނަ ދުވަހަށް ރޭވިފައިވާ މި ދަތުރުފުޅުގައި، މިނިސްޓަރ ޒިޔާރަތްކުރެއްވުމަށް ހަމަޖެހިފައިވަނީ ލ.ގަން އަދި ލ.ފޮނަދޫއަށެވެ.

މި ދަތުރުފުޅުގެ މައިގަނޑު މަޤްސަދުތަކުގެ ތެރޭގައި މިނިސްޓްރީގެ ދަށުން ހިންގާ ޖޮބް ސެންޓަރުތަކަށް ޒިޔާރަތް ކުރައްވައި،އެ ސެންޓާރުތަކުގެ ހާލަތު ބައްލަވައި، ލ. އަތޮޅުގައި ހުރި މަތީ ތަޢުލީމު ދޭ އިދާރާތަށް ކަމުގައިވާ އެމް.އެން.ޔޫ އަދި އައި.ޔޫ.އެމްގެ ކެންޕަސްތަކަށް ޒިޔާރާތްކުރެއްވުން ހިމެނެއެވެ. މީގެ އިތުރުން، ލ. އަތޮޅު ކައުންސިލާއި، ލ.ފޮނަދޫ އަދި ލ.ގަން ކައުންސިލަށް ޒިޔާރާތްކުރުމަށް ވަނީ ހަމަޖެހިފައެވެ.

ސަރުކާރުން ލ. އަތޮޅަށް ޙާއްސަކޮއްފައިވާ ވަޢުދުތަކުގެ ތެރެއިން، މިނިސްޓްރީ އޮފް ހަޔަރ އެޑިއުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްއާއި ގުޅުންހުރި މަސައްކަތްތަކާއި ގުޅޭގޮތުން މަޝްވަރާކުރެއްވުމަށް މިނިސްޓަރ ވަނީ ކައުންސިލުތަކާއި ބައްދަލުކުރެއްވުމަށް ނިންމަވާފައެވެ.