މާޓިނޭޒް އާޖެންޓީނާ މޮޅުކޮއްދީ ތަށި އުފުލާލައިފި

ކޮޕާ އެމެރިކާ ފައިނަލްގައި އާޖެންޓީނާ އަދި ކޮލަމްބިއާ ބައްދަލު ކުރި މެޗު އާޖެންޓީނާ ކާމިޔާބު ކޮއްފިއެވެ. މި މެޗު އާޖެންޓީނާ ކާމިޔާބު ކުރީ 1-0 ލަނޑުންނެވެ.

މެޗުގެ ފުރިހަމަ ވަގުތު ހަމަވިއިރު ލަނޑެއް ނުޖެހުމުގެ ސަބަބުން އިތުރު ވަގުތު ކުޅެން ޖެހުނު މި މެޗުގައި ދެ ޓީމުގެ ފަރާތުންވެސް ވާދަ ވެރި ވަރުގަދަ ކުޅުމެއް ފެނުނު ކަމުގައިވިޔަސް އެއްވެސް ޓީމަކަށް ލަނޑެއް ޖެހޭ ގޮތް ނުވިއެވެ. ނަތީޖާއަކަށް ވީ އިތުރު ވަގުތު ކުޅެންޖެހުމެވެ. މި މެޗުގައި ފެނުނު ހަމައެކަނި ލަނޑު މެޗުގެ 112 ވަނަ މިނެޓުގައި ޖަހައިދިނީ މާޓިނޭޒްއެވެ.

ގަވާއިދާ ހިލާފަށް ސަޕޯޓަރުން ދަނޑަށް ވަނުމުގެ ސަބަބުން މެޗުފެށުން ގަޑި އިރަކަށް ވުރެ ގިނައިރު ލަސްވި މި މެޗުގައި އާޖެންޓީނާގެ ތަރި މެސީއަށް ވަނީ އަނިޔާވެގެން ބާލާފައެވެ. ދެވަނަ ހާފުގައި މެސީގެ ފަލަމަސްގަނޑަށް ލިބުނު އަނިޔާގެ ސަބަބުން މެޗު ދޫކޮއް ދާން ޖެހުމުން މެސީގެ މޫނުމަތިން މާޔޫސްކަން ފެނިގެން ދިޔައެވެ. އާޖެންޓީނާ އަކީ މި މުބާރާތުގެ އެންމެ ފަހުގެ ޗެންޕިއަން ޓީމެވެ.