ޓްރޯމާ އިން ޕޮލިސިންގގެ ނަމުގައި ވޯކްޝޮޕެއް ކުރިއަށް ގެންގޮސްފި

ދިވެހި ފުލުހުންގެ ޚިދުމަތުގެ ފްރޮންޓްލައިންގައި މަސައްކަތްކުރާ ސުޕަވައިޒަރީ ލެވެލްގެ މުވައްޒަފުންނަށް ޓްރޯމާ އިން ޕޮލިސިންގގެ ނަމުގައި ވޯކްޝޮޕެއް ކުރިއަށް ހިންގައިފިއެވެ. 

ޓްރޯމާ އިން ޕޮލިސިންގގެ ނަމުގައި ވޯކްޝޮޕެއް ކުރިއަށް ގެންގޮސްފައިވަނީ މި މަހު 15 އަދި 16 ވަނަ ދުވަހުއެވެ. މި ވޯކްޝޮޕަކީ ވޯކްފޯސް ހެލްތު އެންޑް ވެލްބީންގ އިން، ދަ ވައިބް އަދި އެންލައިޓެން އަ މައިންޑްފުލް ކޮމިއުނިޓީ ޖަމުއިއްޔާއާ ގުޅިގެން ކުރިއަށް ގެންދިޔަ ވޯކްޝޮޕެކެވެ.

މި ވޯކްޝޮޕަކީ ދިވެހި ފުލުހުންގެ ޚިދުމަތުގެ އިސް ސަފުގައި މަސައްކަތްކުރާ މުވައްޒަފުންނަށް އިސްނަގައިގެން ކުރިއަށޤ ގެނދިޔަ ވޯކްޝޮޕްއެކެވެ. އަދި މި ވޯކްޝްޕަކީ އެމީހުން ކުރިމަތިލާންޖެހޭ ނާޒުކު އަދި ބިރުވެރި ހާދިސާތަކުން ލިބިދާނެ ނަފުސާނީ ގޮންޖެހުންތަކާ ސާބިތުކަމާއެކު ކުރިމަތިލުމުގެ ހުނަރު ދަސްކޮށްދިނުމަށް ކުރިއަށް ގެންދިޔަ ވޯކްޝޮޕެކެވެ.

މީގެ އިތުރުން، ފުލުހުންގެ ވަޒީފާގެ މަސްއޫލިއްޔަތު އަދާކުރުމުގައި ދިމާވާ ހިތްނުތަނަވަސް ވެދާނެފަދަ އަދި ނުރައްކާތެރި ހާދިސާތަކުގައި އަމަލުކުރާ ގޮތްތައް މިހާރަށްވުރެ އިތުރަށް ހަރުދަނާކޮށް، އެކަމަށް އަހުލުވެރިކުރުވުމުގެ ގޮތުން ގެންގޮސްފައިވާ ވޯކްޝޮޕެކެވެ. 

އެގޮތުން، ޓްރޯމާ އަދި ސްޓްރެސް އަކީ ކޮބައިކަން، ފުލުހުންނަށް ދިމާވާ ޓްރޯމާ އަދި އަޅާނުލައި ދޫކޮށްލެވިއްޖެނަމަ ކުރިމަތިވެދާނެ ކަންކަން، ޓްރޯމާގެ ސަބަބުން މީހާގެ ޖިސްމާނީ އަދި ނަފުސާނީ ދުޅަހެޔޮކަމަށްކުރާ އަސަރުތަކާއި އެކަމުން އަރައިގަތުމަށް ނުވަތަ އަމިއްލަ ނަފުސަށް އަޅައިލުމަށް ކުރެވިދާނެ ކަންތައްތަކުގެ އިތުރުން ޓްރޯމާއާ ކުރިމަތިލާނެ ހުނަރުތައް ޓްރޯމާ އިން ޕޮލިސިންގ ގެތެރެއިން ދަސްކޮށްދީފައިވެއެވެ.

ހަމައެއާއި އެކު އިސްލާމީ ނަޒަރަކުން، ނަފުސާނީ ދުޅަހެޔޮކަމަކީ ކޮބައިކަމާއި އީމާންތެރިކަމާއި ނަފުސާނީ ދުޅަހެޔޮކަމާ އޮންނަ ގުޅުމާ ބެހޭގޮތުން ވެސް މައުލޫމާތުދީފައިވެއެވެ.

މި ވޯކްޝޮޕުގައި މައުލޫމާތުދެއްވީ ސައިކޭޓްރިސްޓް ޑރ. މައުމޫން ޝަރީފް، އައްޝައިޚް އަހުމަދު ފަޙްމީ ދީދީ، ވިލާކޮލެޖްގެ ލެކްޗަރަރ އަދި ސައިކޮލޮޖިސްޓް އަޒްރާ އަބްދުލް ސައްތާރުގެ އިތުރުން އެންލައިޓެން އަ މައިންޑްފުލް ކޮމިއުނިޓީގެ ފެސިލިޓޭޓަރުންނާއި ދަ ވައިބް ޖަމުއިއްޔާގެ ފެސިލިޓޭޓަރުންނެވެ.