އެވުޒާރާއިން އެކަމާގުޅޭގޮތުން މަޝވަރާ ކޮށްފައިވަނީ އެވުޒާރާއިން ފަށާފައިވާ "ހާލު ކިހިނެއް؟" ޕްރޮގްރާމުގެ ތެރެއިންނެވެ. އަދި މި މަޝްވަރާތަކަކީ ދިމާވާ ދަތިތަކަށޤ އަވަސް ހައްލެއް ހޯދައިދިނުމުގެ ގޮތުން އެވުޒާރާއިން ކުރިއަށް ގެންދާ ޕްރޮގްރާމެކެވެ.

އެމެރިކާގެ އިދިކޮޅު ރިޔާސީ ކެނޑިޑޭޓް ޓްރަމްޕް ސިޔާސީ ހަރަކާތެއްގައި ވާހަކަ ފުލު ދައްކަވަން ހުއްޓައި ބަޑިން ހަމަލާދީ އެމަނިކްފާން ޒަހަމް ކޮއްލައިފިއެވެ. މި ހަމަލާގައި ޓްރަމްޕްގެ ފުރާނަ ސަލާމަތްވި ކަމުގައި ވީނަމަވެސް އެމަނިކްފާންގެ ކަންފަތަށް ވަޒަން އަރައި ވަނީ ޒަހަމްވެފައެެވެ. މި ހަމަލާގައި އިތުރު 2 މީހެއްގެ ގަޔަށް ވަޒަން އަރައި އެ ދެމީހުން ގެ ހާލު ވަރަށް ސީރިއަސް ކަމަށް އެމެރިކާގެ ސީކްރެޓް ސާވިސްގެ އޮފިޝަލަކް ވަނީ އެމެރިކާގެ ނޫސްތަކަށް ކަށަވަރު ކޮށްދީފައެވެ.

ތަފާތު މަސައްކަތްތަކުގެ ތެރެއިން އެންސްޕާއިން ރާވާ ހިންގާ ތަފާތު ޕްރޮގްރާމުތަކާއި ބެހޭ މައުލޫމާތު ދިނުމާއި، އެންސްޕާގެ ތަފާތު ޕްރޮގްރާމުތަކަށް ހުށައަޅާނެ ގޮތާއި، ސްކީމުތަކަށް ޝަރުތު ފުރިހަމަވާނެ ގޮތާއި، އުސޫލުތަކާއި ބެހޭ މައުލޫމާތު ވަނީ ހިއްސާކުރެވިފަ އެވެ.

ރަމީޒު ކުއްލި ގޮތަކަށް އަވަހާރަވީ އެރަށުގައި އެކުވެރި ކަމުގެ ފުޓްބޯޅަށް މެޗެއް ކުޅެމުން ދަނިކޮށް ހާލު ދެރަވެގެންކަމަށް މާރަންދޫ ކައުންސިލުން މައުލޫމާތުދެއެވެ.

ފޮބްސް ލިސްޓުގެ އެންމެ މުއްސަދި މީހުންގެ ތެރޭގައި ހިމެނޭ އިންޑިއާގެ މަހުޖަނު މުކޭޝް އަމްބާނީގެ ދަރިފުޅު އަނަންތު އަމްބާނީ އާއި ރާދިކާ މާޗަންޓްގެ ކައިވެނީގެ ބޮޑު ހަފްލާ ގައި ކުރީގެ ރައީސް މުހައްމަދު ނަޝީދު ބައިވެރިވެވަޑައިގެންފި އެވެ.ރައީސް ނަޝީދާއި އެކު މި ހަފްލާގައި ދުނިޔޭގެ ބައެއްގައުމު ތަކުގެ ކުރީގެ ސިޔާސީ ލީޑަރުން ވަނީ ބައިވެރިވެޑައިގެންފައެވެ، މިގޮތުން އިގިރޭސިވިލާތުގެ ކުރީގެ ބޮޑުވަޒީރު ބޮރިސް ޖޯންސަންވެސް ވަނީ ބައިވެރިވެ ވަޑައިގެންފައެވެ.

ފެނަކައިން އެކަމާއި ގުޅިގެން ނެރުނު ބަޔާނުގައި ބުނެފައިވަނީ އެއީ ފެނަކައިން އެކި ތާރީޚުތަކުގައި ތަފާތު ބޭނުންތަކަށް ކޮށްފައިވާ މުއާމަލާތްތަކެއްގެ ލިޔެކިޔުންތަކުން ބައެއް ނަކަލުކޮށްގެން އެއީ އެއް ކަމަކަށް ކޮށްފައިވާ އެއް މުއާމަލާތެއް ކަމަށް ދައްކަންކޮށްފައިވާ މަސައްކަތެއްކަމަށެވެ.

އެސިޓީ ޕީޕީއެމް އިސްބެފުޅުންނާއި ބައްދަލުކުރެއްވީ ދިފާއީ ވަޒީރު މުޙައްމަދު ޣައްސާން މައުމޫންމިހާރު ފުވައްމުލަކަށް ކުރައްވަމުން ގެންދަވާ ދަތުރުފުޅުގެ ތެރެއިންނެވެ. މިދަތުރުފުޅުގައި އެސިޓީގެ ކައުންސިލާވެސް ބައްދަލުކުރައްވާފައިވެއެވެ.

މިދިޔަ ދެ ތިން އަހަރަށް ބަލާއިރު ކުޅިވަރުތައް ކުރިއެރުމަށް ދިމާވެފައިވާ އެންމެ ބޮޑު އެއް ގޮންޖެހުމަކީ އެސޯސިއޭޝަންތަކުގެ އިދާރީ ކަންކަން ރަނގަޅު ނުވުމެވެ.

އުމުރުން ދުވަސްވާއިރު ދުޅަހެޔޮ ޞިއްޙަތެއްގައި ހުރުމަކީ ނުހަނު މުހިންމު ކަމަށް ވާއިރު، މި ސެޝަނުގައި ރަހިމާއި އުރަމަތީގެ ކެންސަރާއި، އިއްދައާއި ގުޅޭ މުހިންމު މަޢުލޫމާތުތަކެއް ވަނީ ބައިވެރިންނާއި ހިއްސާކޮށްފައެވެ.

ސަރުކާރުން ދޭ ސްކޮލޮޝިޕަށް ނުވަތަ ލޯނު ހޯދުމަށް އެދިފައިވާ ނުވަތަ ލޯނު ދިނުމަށް ހޮވިފައިވާ ދަރިވަރުންނާ ގުޅައިގެން މަކަރާއި ހީލަތުން ފައިސާ ހޯދަން އެދެމުން ދާކަން މި މިނިސްޓްރީގެ ސަމާލުކަމަށް ވަނީ އައިސްފައެވެ.

ސަރުކާރުގެ އިސްވެރިޔަކަށް ސިހުރު ހެދިކަމުގެ ތުހުމަތުގައި ހައްޔަރު ކުރި އެންވަޔަރަމަންޓް މިނިސްޓްރީގެ ކުރީގެ ސްޓޭޓް މިނިސްޓަރު ފާތިމަތު ޝަމްނާޒް އަލީ އާއި އޭނާގެ ކޮއްކޮ ދޫކޮށްލައިފިއެވެ. ސިހުރު ހެދިކަމުގެ ތުހުމަތުގައި ޖުލައި 23 ވަނަ ދުވަހު 3 މީހަކު ހައްޔަރުކޮށްފައިވެއެވެ. ހައްޔަރު ކުރެވުނު މީހުންގެ ތެރޭގައި އެންވަޔަރަމަންޓް މިނިސްޓްރީގެ ކުރީގެ ސްޓޭޓް މިނިސްޓަރު ފާތިމަތު ޝަމްނާޒް އަލީ އާއި އޭނާގެ ކޮއްކޮ އެންވަޔަރަމަންޓް މިނިސްޓްރީގެ ސީނިއާ ޕޮލިޓިކަލް ޑިރެކްޓަރު ސަނާ ހިމެނެއެވެ.

ބޭންކް އޮފް މޯލްޑިވްސް ގެ މޯބައިލް ބޭންކިން އެޕް ބޭނުން ކުރުމުގައި މައްސަލަތަކެއް އުޅެކަމަށް ގިނަބަޔަކު ސޯޝިއަލް މީޑިއާ ގައި އެކަން ހިއްސާ ކުރަން ފަށައިފިއެވެ. އެއްބަޔަކަށް އެޕް މެދުވެރިކޮށް ރުފިޔާ ޓްރާންސްފާ ނުކުރެވޭއިރު އަނެއްބަޔަކަށް އެޕަށް ނުވަދެވެއެވެ. ސޯޝިއަލް މީޑިއާގައި އާންމުން ކޮށްފައިވާ ޕޯސްޓް ތަކުން ހާމަވާގޮތުގައި ބައެއް މީހުންގެ އެކައުންޓަށް ވަދެވުނު ނަމަވެސް އެކައުންޓުގައި ފައިސާ ހުރިކަމަކަށް ނުދައްކައެވެ. އަދި ބައެއްމީހުންގެ ފައިސާ ހުރި ކަމަށް ދެއްކި ނަމަވެސް ރުފިޔާ ޓްރާންސްފާ ނުކުރެވެއެވެ.

ރިސޯޓް ތަރައްޤީކުރަން ވ. އާރަށް ކުއްޔަށް ދޫކުރުމުގެ މައްސަލައާއި ގުޅިގެން ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމްގެ މައްޗަށް މަނީލޯންޑަރިންގއާއި، ރިޝްވަތުގެ ކުށް ސާބިތުވެގެން 11 އަހަރުގެ ޖަލު ޙުކުމް ތަންފީޛުކުރެއްވިއިރު، ނިމިދިޔަ އެމްޑީޕީގެ ސަރުކާރުން ރައީސް ޔާމީންގެ ބަންދަށް ލުއިތަކެއް ދެއްވިކަމަށް ވަރަށް ގިނަ ބޭފުޅުން ވިދާޅުވެއެވެ. މިވާހަކައާއި އަޅުގަނޑުގެ ޚިޔާލު މުޅިން ތަފާތެވެ. ސަބަބަކީ ފާއިތުވި ފަސް އަހަރަކީ ރައީސް ޔާމީންގެ ޙައްޤުގައި ޕީޕީއެމް/ޕީއެންސީގެ ލޮބުވެތި މެންބަރުން ނުހަނު ބޮޑު ޤުރްބާނީއެއް ވެވަޑައިގެންނެވި ފަސް އަހަރެވެ. ދެ ޕާޓީގެ ހިތްވަރުގަދަ މެންބަރުން އަތްވާއި، ވާރޭގައި އަދި ރެއާއި ދުވާލު މަގުމަތީގައި ރައީސް ޔާމީން މިނިވަންކޮށްދެއްވުމަށް އެދި އިހުތިޖާޖުކުރެއްވިއެވެ. އެ މުހިންމު މަސައްކަތުގައި ދެޕާޓީގެ ލީޑަރޝިޕްގައި އޭރު ތިއްބެވި ހުރިހާ ބޭފުޅުންވެސް ވަރަށް ހިތްވަރާއެކު ކުރިއަށް ވަޑައިގަތެވެ. ރައީސް ޔާމީންގެ ޙައްޤުގައި އެމަނިކުފާނުގެ ޤާނޫނީ ޓީމުން އަދާކުރެއްވި މުހިއްމު ދައުރުގެ މަތިންވެސް ހަނދުމަ ނައްތައެއްނުލަމެވެ. ރައީސް ޔާމީންގެ ޝަރީޢަތް އަވަސްކޮށްދެއްވައި، އިންސާފު ހޯއްދަވައިދެއްވުމަށްޓަކައި އެ ހުރިހާ ބޭފުޅުން ޓަކި ނުޖައްސަވާ އެންމެ ދޮރެއްވެސް އަދި އާދޭސް ނުކުރައްވާ އެއްވެސް މުއައްސަސާއެއް މިޤަމުގައި ނުހުންނާނެއެވެ. އެވަރުން ނިންމާނުލައްވައި ބައިނަލްއަޤްވާމީ ޖަމާޢަތްތަކާއި، އެކުވެރި ޤައުމުތަކުގެ ސަމާލުކަންވެސް ހޯއްދެވިއެވެ.

ކެރެލާގައި މި ނުރައްކާތެރި ބަލި ފެތުރެމުންދާތި އިންޑިއާގައި ހުންނަ ދިވެހި ރާއްޖޭގެ ކޮންސިއުލޭޓް ޖެނަރަލުން ނެރުއްވި ބަޔާނެއްގައި ބުނީ ސިކުނޑިއަށް ޖެހޭ ނުރައްކާތެރި ބައްޔެއްކަމަށްވާ "ބްރެއިން އީޓިން އެމީބާ އިންފެކްޝަން" ފެތުރެމުންދާކަމަށާއި އަދި ކެރެލާގައި ދިރިއުޅޭ ރައްޔިތުން އެކަމަށް ސަމާލުވުމަށް ކެރެލާގެ ސިއްހަތާ ބެހޭ ވުޒާރާތަކުން އިލްތިމާސްކޮށްފައިވާ ކަމަށެވެ.

ކުޅިވަރެއްގެ ގޮތުން ފުޓްބޯޅައަކީ ޢިލްމާއި، ހުނަރާއި، ތަޖުރިބާއާއި، ލޯތްބާއި، އެކުވެރިކަމާއި، އުފަލާއި، ހިތާމަޔާއި އަދި ރިވެތި އަޚްލާޤުން ވަށާޖެހިފައިވާ އިޖުތިމާޢީ ވަރުގަދަ ބޮޅެކެވެ. ދިވެހިންނަކީ ފުޓްބޯޅައާއި ހެދި ދަންޖެހޭ ބައެކެވެ. އެންމެ ގިނަ ދިވެހިން ކުޅޭ އަދި ބަލާހިތްވާ ކުޅިވަރަކަށް ވާނީވެސް ފުޓްބޯޅަކަން ޔަޤީނެވެ. އަވަށްޓެރި ސިލޯނުން ދަރިވަރުވެގެން ދިވެހިން ފުޓްބޯޅަ ކުޅޭތާ މިހާރު 74 އަހަރު ވީއެވެ. މާތް ﷲ އިރާދަކުރެއްވިއްޔާ މިއަންނަ އަހަރަކީ ދިވެހި ފުޓްބޯޅައިގެ އަލިމަސް ޔޫބީލް (ޑައިމަންޑް ޖުބިލީ) އަހަރެވެ. ތާރީޚުން އެނގޭ ގޮތުގައި، ރާއްޖެއާއި ސްރީލަންކާގެ ފުޓްބޯޅައިގެ ގުޅުމުގެ ފެށުމަކީ 1950 ވަނަ އަހަރުގެ ކުރީކޮޅު ރާއްޖެ ގެންނެވި ސްރީލަންކާގެ ފުޓްބޯޅަ އިންސްޓްރަކްޓަރު މައިކަލް ޑި ސިލްވާ އެވެ. ރާއްޖޭގެ ކުރީގެ ރައީސް މަރްޙޫމް މުޙައްމަދު އަމީންގެ ދައުވަތަކަށް ވަޑައިގެންނެވި ޑިސިލްވާ މަޖީދިއްޔާ ސްކޫލުގެ ދަރިވަރުންނަށް ފުޓްބޯޅައިގެ އަސާސީ ތަމްރީންތައް ދެއްވިއެވެ. ތިއަރީ ކްލާސްތަކާއި ޕްރެކްޓިކަލް ސެޝަންތައްވެސް ނަންގަވައިދެއްވިއެވެ. އެ ބިންގަލުގެ މައްޗަށް ދިވެހި ފުޓްބޯޅަ ކުރިލާ ހެދެމުންއައީ ވަރަށް ބާރަށެވެ. ނަތީޖާއެއްގެ ގޮތުން 2000 ގެ އަހަރުތައް ފެށުނު ހިސާބުން، ފުޓްބޯޅަ ރޭހުގައި ރާއްޖެއިން ސްރީލަންކާ ފަހާލިއެވެ. އަދި އާބާދީ ކުޑަނަމަވެސް ސަރަޙައްދުގެ ފުޓްބޯޅައިގެ ބާރަކަށް ވެއްޖެއެވެ. ސަރުކާރާއި، ކުލަބުތަކާއި، އަދި ރައްޔިތުން އެންމެ ބޮޑު ޝައުޤަކާއި، އަހުމިއްޔަތުކަމެއް ދޭ ކުޅިވަރަށް ފުޓްބޯޅަ ވެއްޖެއެވެ.