ތައިލެންޑުގެ ހާރިޖީ ވަޒީރުކަމަށް މަރިސް އަލުން އައްޔަންކުރެއްވުމުން ޒަމީރު ތަހުނިޔާ ފޮނުއްވައިފި

ދިވެހިރާއްޖެއާއި ތައިލެންޑްގެ ޒަމާންވީ ގުޅުމަކީ އިޙްތިރާމާއި އިތުބާރުގެ މައްޗަށް ބިނާވެފައިވާ އޮންނަ ގުޅުމެކެވެ. މިގޮތުން، ފާއިތުވީ އަހަރުތަކުގައި ދެޤައުމުގެ ރައްޔިތުންގެ މެދުގައި އާލާވެ ބަދަހިވަމުން އަންނަ ގާތް ރަޚްމަތްތެރިކަމުގެ ސަބަބުން މިގުޅުން ވަނީ އިތުރަށް ހަރުދަނާވެފައެވެ. މިހެންވެ، ދެޤައުމުގެ މެދެގައި މިވާ ގާތް ގުޅުން އިތުރަށް ބަދަހިކުރުމަށްޓަކައި ދެޤައުމަށްވެސް ފައިދާކުރަނިވި ދާއިރާތައް ދެނެގަނެ، އެދާއިރާތަކުން އިތުރަށް މަސައްކަތްކުރުމަކީ އަޅުގަނޑުގެ ވަރަށް އިޙްލާސްތެރި އުއްމީދެއްކަމުގައި ދެންނެވީމެވެ.